Ralkap Uknak lak kan ti fam cu thla 4 chung ah zei taktak hmanh an ṭuan mi a um lo.

Van zoh a sang, vawlei zoh a pit.2020 ah COVID pulrai ruangah a lam kip in sunghnak le zatlaknak a chuak.Chawleh-chawhrawlnak a zor i khuasak tintuknak a har. Khrihfa kan si bantuk in hmailei ah caan ṭha a chuak ṭhan ko lai ti mi ruahchannak he kar kan hlang hna.

2020 Kum liam zawkzawk sehlaw, nithar kumthar ah si ning thar le nun ning thar in kumthar 2021 ah caan hmang hna usih tiah thla kan cam, an cam cio. Kum thar thluachuah kan i halpiak cio hna i thinlung in hnangamnak le daihnak kan co cio hna.

2021 February in Ralkap nih Uknak a hun lak i, COVID ral he, Uknak ṭha lo ral he, lunglar mai tanh bang rethei le sivang in nun kan hmang.

Ralkap Uknak lak kan ti fam cu thla 4 chung ah zei taktak hmanh an ṭuan mi a um lo. An ṭuan mi cu mipi tlaih le khih, thongthlak le dantat lawng bak a si. Fimcawnnak ah zero,chawleh-chawhrawlnak ah minus, zatlang nun rianṭuannak ah thilrit khinh, Biaknak kongkau ah lihchim le diklonak kong lawng chim..tbt. lawng kha an tuah mi a si.

Tikah, zapi zaran kan fanu, kan fapa hna cu Kum hnih chung (2020,2021) cacawng lo in le fimnak cawng kho lo in um a si cang. Kan chantiluan a rang tuk cang. Nikhat te carel lo le fimthiamnak kawl lo ahcun minung hawi lawh khawh le phak khawh a si ti lo chan a si. Nain, kannih cu kum 2 chung kan i din ko ai.

Mirum deuh fale le mi si kho deuh fale cu lam pakhat khat zong in cawnnak le thiamnak an ngei kho. Nain, zapi zaran fale cu TV zoh ding, internet hman ding hmanh kan ngeih lo pin ah, mah te in catlap i cawk in caṭial cawnnak hmanh ngeih a si lo.

Hiti ning te in kan kal ko ahcun “Van zoh a sang, Vawlei zoh a pit” ti kha kan si ko ee.
Pathian kan bawm law teinak kan pe ko cang!Credit-Holly Ram

Be the first to comment

Leave a Reply

Your email address will not be published.


*