Ralkap nih lam an zawhnak hmun an thei sual lai an phan ruang Hakha lam zawh hruaitu hna nih live thlah lo ding an ti, ti a si.

Ralkap nih lam an zawhnak hmun an thei sual lai an phan ruang Hakha lam zawh hruaitu hna nih live thlah lo ding an ti, ti a si.

Cuti ralkap tih tuk ko ahcun innchung ah teh him tein sandah nan piah ko? Ralkap uknak kan duh lo timi vawleicung mi kip nih rak hmu cio hna seh, anmah ralkap lila zong nih thei ve hna seh ti kan duh caah dakaw lampi kan chuak i sandah kan piah cu, cu kan i tinhmi cu media live thlahmi nih tlam a tlinter. Live thlah tung loin lam zawh cu zei sullam dah a si? Kan fianh cio tuah u.Credit-Salai Lungthli Tum

Adang relchap:Tlaih Tongmi Minung Pali Kan Dirpi Hna 2021 March 1 ah Hakha ah palik/ralkap nih minung 23 an tlaih hna. Cu lakah 19 cu Marh 2, 2021 zaanlei suimilaam 3:15 ah an thlah ṭhan hna nain minung 4 cu an hren rih hna. Hi kong he pehtlaih in CDM Supporting Team for Hakha nih palik/ralkap tuahsernak cu kan mawhchiat. Cohlan awk a tlak lomi tuahsernak, ralhrang tuah sernak a si. Hi kong ah kan si khawh tawk in kan i zuam lai.

Tlaih atongmi Mai Tial Tin Par (kum 25), Mai Van Ni Sui (kum 22), Pu Bawi Cung (kum 43) le Pu Sai Thawn @ Shing Tun (kum 53) cu Hakha mipi nih kan in zohthla hna. Ram le miphun ca ah tlaih nan ton a si. Kan ca ah hero; tlangcung chokhlei parṭha nan si. Nan rim ahmui i, nan i dawhnak nih Hakha a zelh. Nan min cu kan thlik in kan lungki tiang aa tap. Nan ca ah thla kan cam. Nan ca ah kan i zuam lai. Kan in dirpi hna. Zaan muihnak a dih in zing ni ceu dawh te a hung chuah ṭhan bang nan rung chuak ṭhan colh lai.

Hakha Mipi hna, Laimi nih zei ruang ah Vakok kan i chuan? Vakok cu dawtnak, zawnruahnak, tatsar ngei a si. Hihi kan miphun i kan thi a si. Philh hna hlah usih! Vakok cu a hawi harnak a ton tik ah khamh le domh aa zuam. Cu bantuk in kannih zong nih kan hawile ca ah thlacamnak, tuahsernak le kan thiamnak chuak in ṭangpi cio hna usih. Kan lungrualnak, kan i dawtnak, kan i kil kamhnak, Vakok lungthin ngei kan sinak nih palik/ralkap tuahsernak cohlang awk a tlak lomi cu a lu in a kedil tiang cheu dih seh! Parh dih seh!

Be the first to comment

Leave a Reply

Your email address will not be published.


*