Ralkap nih 25% an ilak cia i, Party an dirhmi USDP nih 25 % plus a hmuh paoh ahcun Cozah kan tlaih peng ko lai tiah an rak iruah

SAC ralhrang nih thimnak an tuah ahcun, 2008 phunghrampi nakin a chia deuhmi phunghrampi in thimnak an tuah te lai.

2008 phunghrampi hmanh hi vawleicung phunghrampi vialte lakah a chia cem a si i,  saruh ttam lengmang nakcun, a nawngpattang teuh ve cu a ttha deuh tbk sawhsawh in Mipi nih an rak cohlangmi a si.

Ralkap nih 25% an ilak cia i, Party an dirhmi USDP  nih 25 % plus a hmuh paoh ahcun Cozah kan tlaih peng ko lai tiah an rak iruah. An rak izumh sual.  Election voi khat, voi 2nk a dih in a voi 3nk result an zoh tikah an lung a dong. An thuam, 2008 phunghrampi nih teinak  a pe kho ti hna lo. Cucaah, Anaa an ting tthan. 2008 phunghrampi nakin a chia deuhmi ser in election ah luh tthan an duh.

SAC ralhrang nih next election an chuahpi ahcun Kawl/ Burmese majority nih uknak an tlaih zungzal khawhnak hnga, anmah an Party USDP nih teinak an hmuh Peng khawhnak hnga, “proportional system” phun an von tuah te lai. “proportional system” hmanh ahhin a fair lo taktakmi system an von chuahpi te lai.

Cucaah, SAC nih UEC meeting an auhmi hrim kai lo a ttha. SAC nih an tuahmi paoh reject viar a herh. SAC nih anaa an tingmi hi caan ttha ah ser in anmah lila kha a zungzal in hloh an herh lio caan a si.Credit-Zasang Cinzah

Be the first to comment

Leave a Reply

Your email address will not be published.


*