Ralkap a thazaang hrampi cu biathli thuh khawh le biathli tampi ngeih a si. Laimi chung ah biathli theih lo cun riantuan aa tim lo mi kan tam ngai.

Ralkap a thazaang hrampi cu biathli thuh khawh le biathli tampi ngeih a si. Laimi chung ah biathli theih lo cun riantuan aa tim lo mi kan tam ngai.

Ka vun zai ta rih lai! Na $ zei mawzat te na thawhmi khi miphun le ram caah riantuan kaa tel ve nak hmelchunh tertu asi tiah i ruat law, lunghmui tein i lawm ko. A tuantu hna sinah khan va vuivai lem duh hlah law. Ka tuan khawh lomi an tuan mi asi ti hngalh a herh. Kan tangka tlawmte thawh ve ruang ah phung le phai (policy) kong le thil biapi ah i thlaklen in tlangtlak i timh ding si lo.

Ram le miphun ca i hriam a tlaimi hna hi cu va tuah ding, kha na tuah lo ti ding ti awk ah tangka pek in fialmi paoh a tuahmi mercenary an si lo. Cubantuk mi fial na duh hna ahcun mihrokhrol tampi hlan ding an um ko. Vuivai hnawh le uhttanh an hau bak lo. Kan tuah khawhmi te le kan thluak i a phak tawk te ah khan buai cio in kan riantuan hna usih, taang hna usih law kan tanpi mi hna nih an rian cu an mah tein an tuan ve ko lai.Credit-Salai Mang Hre Lian

Adang relthan:Keimah Le Ka Tuanbia 1. A liam ciami ka tuanbia in na ka dawi a si ahcun na caah zohchuk le nekmi ka si kho men ko. Asinain tuni le hmailei ka tuah lai dingmi na zoh cun na caah thazaang ka si kho ko.

2. Ka kong cu mi sinin na theih cun a si lo deuhmi kong na theih ko lai. A ka uarmi nih ka ṭhatnak an chim lai, a ka huami nih ka chiatnak an chim lai caah an mah bia ning hoih in na ka ruah khawh. Asinain keimah sining kong tak theih na duh ahcun keimah he ai naihniammi na si a hau hmasa.

3. Huatu ngeih cu ka duhmi a si lo. Dawtu lawngte hi si hna seh ti cu ka duh, asinain cucu a si kho lomi thil an si. Cucaah huatu ka ngeih ahhin ka tha a chia lo. A ka huatu 100 an si zongah a ka dawtu 10 an um ahcun a za ko.

4. Mi nih an ka soinak, an ka thangchiatnak pawl hi a lak ka si ter lo. Ka sining an chim ahcun nun cawnnak ah kai lak, a tak a si lo ahcun ka thluachuah ah an i cang. Cucaah dohdalnak hi ka caah a chia thlu lo.

5. A ka hua tu nih an ka ṭanh lomi nih ka hlawtlinnak zeihmanh a hnursuang lo. A ka dawtu hna thazaang peknak nih a tei dih ko.

6. Hawi lung ka lawmhter zungzal lo. An lung ka fahter tawn ve ko hna, cu nih cun midang nih ka lung an ka fahter tikah ngaihthiam nun ka ngeihmi ka hman a herh kha ka fiang ṭhan tawn. Peh tthan ding
By-Nusung Hrangtlung

Be the first to comment

Leave a Reply

Your email address will not be published.


*