Ralhrangbu nih Paletwa Peng chung Tlawngkal an Khap

May 29 thawkin Paletwa peng chung Mawtaw lam, Ti lam le Tlanglam in tlawngkal vialte ralhrangbu nih an khap tiah theih a si.

Nizan ah Paletwa khuachungah bomb voi2 a puak ruangah nizan le tuzing ah Paletwa mino 10 an tlaih hnuah tuchun ah cozah riantuan vialte tonpumhnak an auh hna. May 29 thawkin tlawngkal kan khap cang, mah hi a tha tein kan kal pi khawhnak dingah nan kan bawmh lai tiah an ti hna.

Mah kong he pehtlaihin Paletwa khuami pakhat nih “Tlawngkal vialte an kap cang, Tilawng he, khua pakhat le pakhat i tlawngkal zong an khap. Cacawn nikhat ni lei zeidah a lawh te lai kan theih rih lo.
Paletwa khuami pawl Kyauktaw ah a tap mi hna an um” tiah a ti.

Tlawngkal an khap caah Paletwa le khuami cheukhat hna cu thilman fak piin a kai hawi lai ti an phan caah facang hna a si khawh chungin an in zalh cio tiah theih a si.
KMG The Chin Post

Tukum KumHramthawk in Kawlram ah Ralzaam Sing 1 leng an Phan cangKawlram ah 2021 kum hramthawk in inn le lo chuahtak in a zaam mi sing 120000 leng an si cang, a tam deuh cu ralhrangbu nih uknak an lak hnuah a zaam mi an si tiah UN nih a thanh.

“Kawlram chungah a um mi kan riantuan hna nih an kan chimh ningin ramchungah kahdohnak a um peng ruangah le cheukhat cu an inn, an khuachungah an um ngam lo ruangah a zaam mi dihlak 120000 leng an si cang tiah kan theih. A tam deuh cu ralhrangbu nih uknak an lak hnuah a cang mi a si” tiah UN chimhnak nawlngei Farhan Haq nih a chim.


Karenni Mipi Ralkap- KPDF le ralhrangbu tuzarh chung an i kahnak in minung 37000 hrawng an zaam cang tiah a chim.

Shan ram chaklei ah ralhrangbu le tlangcung hriamtlai kar i kahnak le Shan hriamtlaibu hna karlak i kahnak ruangah a thong in an um.

Chin ramkulh chung ah zong minung thong renglo an inn le lo chuahtak in hmunhimnak lei ah an zaam tiah a ti.

UN nih Kawlram ah ralzaam minung sing 10 hrawng caah ei le din, bawmhnak an herh tiah tukum hramthawk ah khan a rak chim cang.

Atu hi UN nih a rak tuakmi minung nakin minung tampi an i chap caah ralzaam hna bawmhnak caah UN hawikom ram hna nih buaibainak um lo tein an bawmh khawhnak dingah tawlrel dingin UN cu an nawl.
voaburmese The Chin Post

Be the first to comment

Leave a Reply

Your email address will not be published.


*