Ralhrang ziaza, lungput, le tuahsernak vialte zoh lengmang tikah a fiang tukmi cu:

Ralhrang nih death penalty an pekmi hna thawng an thanh than.Thin a hun a zual chin lengmang. Mipi ralchiatnak ding ah an ser khawhmi sang bik a si cang lai.

Ralhrang ziaza, lungput, le tuahsernak vialte zoh lengmang tikah a fiang tukmi cu:Zungzal in Kawlram mipi, a hleiin Tlang Cung mi hna caah ral an si zia a fiang tuk. An ciruang tiang in hloh dih ding hi kan hmuitinh cio a si hau.

Tutan ah an tei hna lo zong ah nawlngeihnak an ngeih chung poah le an nunchung poah cu din loin teinak lam kawl peng a haumi ah kan um.

Anmah he hmailei khuakhan ti phun zong an si lo; daihnak khuakhan ti phun zong an si lo. Minung cu an si ko nain minung ruahnak le lungthin a ngeimi an si lo.

CRPH nih terrorist bu an timi hna hi a hmaan tuk. IS ralhrang he an i dannak a um lo. Minung kelte a simi nih cun cabuai pakhat hrawm ti zong duh ding a si lo. Rawl zong dum ti duh ding an si lo.

Kan kaa chung in kan luakmi hna naak hmanh in fih an nung i huat a tlai deuh rih.Mipi an thahning hna, an tlaihning hna, an thihpheihning hna vialte zoh tikah hmailei ah ahohmanh nih kan doh ngam ti hna hlah seh; kan duhmi poah dolhkalhtu um loin zalong taktak in tuah kho peng u sih ti lungput chiahru an ngei.

An nung chung poah cu kan ram le mipi nih future kan ngei lai lo. Minung lakah khuasa dingmi hrimhrim an rak si lo timi a fiang tuk.Cuccah kan saduhthah cio a simi Federal Cozah le ralkap chunmang tling hram ko seh!Credit-Luther Tin Hre

Be the first to comment

Leave a Reply

Your email address will not be published.


*