Ralhrang rallokap le PDF an i kap

Nihin May 30.2021 ah Chin ram Sagaing ramthen Kata khuapi pawng Suihngiat tiva pawngah ralhrang rallokap le mipi ralkap PDF an i kap,hi i kahnak ahhin Kachin ralkap KIA nih mipi ralkap PDF an bawmh hna i ralhrang rallokap pali an thi,pali hliam an tuar, cun mipi ralkap lei in minung panga hliam an tuar ve tiah thawng kan theih.CKM The Chin Post

May 30: TCP Thawngpang Neknawi (News in Brief Rakhine Ramkulh Chinmi Hna Sinah AA Nih Tangka An Kholh Hna.Rakhine ramkulh Mepung peng le Minpya peng ah a ummi Chinmi hna sinah Arakan Army (AA) nih tangka an kholh hna tiah theih a si. Mepung ahhin Chin khua 34 an um. Khuami pakhat nih cun “Chungkhar pakhat ah thlakhat ca 5000 an kan kholh. Anmah Rakhine mi zong an kholh hna. Atulio ramkhel buainak le zawtnak tihnung kan ton cuahmah lio i thongnga cu mipi nih kan pe kho bak lo” tiah a chim. (Zalen)

Kanpetlet Ah Kahdohnak A Fak Chin Lengmang.May 30, tuni ah Chin ramkulh Kanpetlet pengah kahdohnak a um i atu hi a fak chin lengmang. Ralhrang lei nih hriamnam ngan in an kah thluamah hna tiah theih a si.

Tuni zinglei 9:30 am hrawng khan Kanpetlet le Victoria tlang karlak meng 3/meng 4 hmunhma ah kahdohnak hi aa thokmi a si tiah CDF-Kanpetlet chungtel pakhat nih 3:00 pm ah a chim.

Atu tiangah cun CDF lei hliammi le a thimi an um rih lo. Ralhrang lei dirhmun zong theih a si rih lo. Ralhrang nih hriamnam ngan an hman caah khuami hna cu an zam hna tiah theih a si. (Than Lwin Khet) The Chin Post

Be the first to comment

Leave a Reply

Your email address will not be published.


*