Ralhrang nih rampi uknak an chuh hnu in April 10 tiang record ah “Nusal pasaltha minung 3012 thonginn ah an hren rih hna.

Kan dirhmun, kan sining, kan thisen lianluang.Yangon boruak linhsat ning Google ah ka check 36°C bak a si.  Delhi kan umnak ka check nolh tthan i 37°C bak a si ve.  A linhsat aa thlau lo!

Kawlram, a bik in Kawlrawn lei zong a lin taktak ve a si mu, Delhi dirhmun he kan i khat pah ko tung timi ka lung ah a chuak.Ka ruah tthan, Kawlram lei cu Inn chung ah an um ngam ti lo, zaan zong ah electric tha tein an pek ti hna lo caah thlikik kawlnak, Cooler’s chuah tu a um lo caah linsa ngai in le sivang ngai in an um lai.

A si nain “ Boruak a linsa ngai mi cu hacang rial in an pah hramhram, zalam cung ah an chuak, chun nitlak tirawl tha hmanh ei loin, tha tein rawl ei caan hmanh ngai loin ralkap an doh, an au hnawh. Thisen le thlenti he hacang rial in an au. Luatnak, zalennak le covo tling kan hmuh khawh ve nak ah tiah chunzaan it loin an um, an rawl a ttam, an ti a hal, cu lakah mithi ruak karlak ah an tli pah, an zam pah” duak tiah ka thinlung a ka suk ngai ve tthan.

Ralhrang nih rampi uknak an chuh hnu in April 10 tiang record ah “Nusal pasaltha minung 3012 thonginn ah an hren rih hna. Tlaih ding in Warrant an chuah mi dihlak 656 a si cang i nusaltha pasaltha minung 701 nih an nunnak an pek cang.

Kan umnak a lin, an umnak zong a lin ve ko. Luatnak zalennak, minung kan sinak Covo puitling kan hmuh khawhnak ah, thisen le thlenti an hrial lo.

Zeidah an tuah, zeidah ka tuah ve lai. Lungrualnak, teirialnak, tuantinak, nawrtti nak in, a kapkip in, thlacamnak tiang pehzulh tein, Ralhrang uknak a hram in pur cang seh.Teinak lam lei ah, Pathian nusaltha pasaltha hna thisen hi kan hmuh piak hram cang.Credit-Salai Cung Dawt

Be the first to comment

Leave a Reply

Your email address will not be published.


*