“Ral” ngeih nih thanchonak achuah ter..

Ral” ngeih nih thanchonak achuah ter..Kha hlan deuh lio ah hin, khualtlawngpa pakhat hi Indonisia ram  rilinih akulh mi(Island)Borneo ram a vaphan. Cu ka ah cun miphun fatete pahnik an um. Miphun(tribe)pakhat cu raldo aduh tak mi ansi i Tikulh ram lai  ah an um .

An pawngkam khua vialte  an va luh hnawh tawnhna i an satil ,an tirawl an ngeihchiat vial te an va chuh hna an va thah tawn hna.Raldo a duh taktak mi miphun an si.Cu tikulh ram sirlei rilikam (Coastal land) ah miphun (tribe)pakhat an um ve.Cu miphun hna cu raldo a duh baklomi an si.Za lawng tak in mah um te in a um sawk sawk mi an si.

Khualtlawng pa nih cun,Cu miphun pahnik hna an khuasak ning a vazoh hna tikah thilpakhat a va hmuh.Raldo hmang mi khua mi cu,an feldeuh.An insak mi a fek deuh alian deuh.Rian an tuan deuh.An i ralring deuh.Rawl an i chiah mi atam deuh.An i thianhhlimh deuh.Nawl an ngai deuh.An lung a fimdeuh.Pakhat le Pakhat an i daw deuh.

Raldo a duh bak lo mi khua hna cu.An daithlang deuh.An tha athudeuh.An in sak mi afadeuh,a chia deuh.An lung ai rual loh.Nawl an ngai loh.An duhcarei cio in annung.An i filhhnawmh deuh.An molh deuh. Ralrin nak an ngei loh.Hnangam nih hruhnak achuah ter tawn i tihphan nak nih fimnak achuah ter hi a va hmuh.

Kan thlarau kongah ”Sehtan” kan ralpa nih ni chiar hrawk a kan timh hi kan i theih mi nih nunfel nak le nun sullam a kan pek bang in,kan pumsa nun nak kong ah thah a kan duh mi ral,hrawk a kan duh mi ral hna nih hin kan nun a kan biatakter i kan nun sullam a ngeiter tawn, hmawmang lo i kan nunnak chung in akan thangh tawn.

Tu lio Kan miphun kongah, Paletwah(Khumi) kan unaupawl cu AA ral nih an thangh cang hna..Atu kan Chin mi vialte (Kawl)Ralhrang nih akan thangh cang.Hi thil hna nih hin kan nun a kan biatak ter chin chin cang lai..Ral ruang i kan thihlo zongah mawtaw cycle hna nih a kan thah ko,Zu hna nih a kan thah ko,mah le mah zong kan i that ko, thingkung cung hna in kan tla ko.Tulio vawlei cung ah hin Ral kut nak in Rawl kut(eituk(thau) ruang ah)a thi mi an tam cem. Cu nak cun raldo ruang i miphun humhak nak in thih hi a sunglawi deuh.”Van va hmanh a zuan bu in a thi” ti asi.

Vawlei cungah ral tamcem angei mi ”Israel ” mi hna hi an ral ngeih mi nih vawlei cungah mifim khuaruat kho cem ,mi rum cem, thil ti kho cem ah a chuahter hna bang,Kan Nih Chin mi zong asi ve cang lai..Kan lung ai rual deuh cang lai.Khua kan ruat deuh cang lai.Kan i ralring deuh cang lai. Ram le miphun kan daw deuh lai.

Kan ral atha deuh cang lai.Sullam ngei deuh in kan thi cang lai.Nichiar kan nunnak ah ”ral” kan ngei peng cio ko,cu ral kan ngeih mi cu kan theih le theih lo tu asi deu.MZB by- Chin Gypsy

Be the first to comment

Leave a Reply

Your email address will not be published.


*