Rakhrang meithal a la khomi: $1 000 + raltthatnak roca

Kei cu zeitin dek si. Ralhrang meithal a la khomi $1 000 le ral tthatnak roca pek ding kong ka ruah ah ka tak thak ngai. Hnamphar lawh phun khi a lo. Ral hmun ah himnak nakin laksawng ah kan thinlung kan chiah deuh sual lai i laksawng ca ah kan nun kan thap tuk sual lai ti ka ruah ah ka tak thah a zual.

Ral i do tikah meithal lak awk a tthami cu KIA pawl zong nih an lak lengmangmi a si ko, man phalh hau lem loin. A ruang cu an herh fom. Lai mino pawl he zong i do hna sehlaw lak duak awk a tthami meithal cu an lak cio ko lai ka zumh. Herh tuk ciomi a si. Lak phung zong a si.

Nain $1 000 le roca kan thapmi hi, khat lei in A hlei in meithal ca ah nan nunnak thap (risk) ulaw, nan lak khawh cun hi laksawng hi kan in pek hna lai.» ti he ka lawhter ngai. Meithal hei lak dingah ttih a nung ngaimi zong kha laksawng co duh ah va zuan hnawh khi mino ca ah a fawi tuk khomi a si. Cu i an va zuan hnawh tikah mino nunnak tampi a liam kho, a dollar $1 000 le roca ca men ruang ah.

Meithal kan herh kan ti ahcun mi pakhat a nunnak thapter in meithal va zuan hnawhter i $1 000 pek nakin mah $1 000 tu khan khan meithal kan cawk ko lo? Second hand meithal hrawng cu a cawk khawh ve ko lai pei. Ralkap tthihphaihnak ah a si, kan ti si le ralkap nih teh an hei ttih ngaingai hnga maw? Ralkap nih an ttihmi cuai maw a rit deuh hnga mino nunnak ca i ttih a nunnak dah?

Biaknak ttanh ralhrang pawl nih «Cucu tuah law tangka cu zat kan in pek lai. Nan chungle kan cawm hna lai» tiphun in an i forhfialmi phun cu uar a um lo ngai ka ti. Khuaruat setmat bu tein thil kan tuah ko lai nain a caan ahcun kan ruahmi kha ruah tthan a hau ngai tawn ka ti. Ai khah, ka keng a thak tthan le kaa huat ta lai. Bye chung uh.Credit-Roro Fambawl

Be the first to comment

Leave a Reply

Your email address will not be published.


*