R.I.P Ralkap nih tlaih bal mi U Hting Linn Naing a nunnak a liam

Hakha Ralkap le Palek nih rak tlaih mi U Hting Linn Naing (Kum 27) cu, Ralkap umnak 266 le Palek thonginn ah zaanli an chiah hnu ah chuah a si i, thonginn a chuah hnu ah thin lei damlonak le pawpi lei damlonak in a nunnak a liam.

“Hting Linn Naing hi Yangon, Hlaing Thayar in a ra mi a si i Hakha ah rian a tuan mi a si. Amah hi a hlante in thin lei damlonak le pawpi lei dam lonak a rak ngeicia mi a si i, a dingei pah mi zong a si. Thong in a chuah hnu ah voi khat sii-inn ah aa thlop. Sii-inn voi khat aa thlop hnu ah tlawmpal a dingei pah than i a voi hnihnak sii-inn ah a va zohter ahcun a thin rian a tuan ti lo tiah an ti i hi bantuk in a nunnak a liam hi a si,” tiah a thi mi chungkhar he naihniam in bia aa ruahtu pakhat nih DVC ah a chim.

U Hting Linn Naing hi March thla donghlei ah Ralkap nih amah tel in minung panga an rak tlaih hna. Ralkap umnak 266 le Palek Sakhaan ah zaan li ciah an si i a hrem zong an hrem hna.

Thonginn in chuah an si hnu ah amah he tlaihti mi hna zong riantuan kho loin ni zeimawzat an i thlop, tiah kan theih.

U Hting Linn Naing cu April 14 zinglei 10:00, Hakha Thlaan No.1 ah Buddhist Biaknak Phung in a ruak vui a si.Credit-DVC

Nun an i hrawm, an thil tuah mi aa dawh, an idea zong a tha tuk ka ti.“sharing is caring” is a common phrase but had a big meaning that when we share something with someone else it is equal to caring him . Pekchanh nak nun in kan i dirkamh a herh tuk caan zong a si.

Ralhrang nih rampi uknak an lak hnu in ram mipi dihlak zalam ah chuah a si, rianttuan a si ti lo, eidin tirawl harsatnak a um cuahmah.
“ Na ngeih mi um ahcun midang caah rak pe ve, eidin tirawl , thilri chanbau nak na ngeih ahcun rak i lak ve” timi tlangtar in an thiltuah nih ka thinlung a suk ngai ngai.

Pathian sin ka thlacamnak “Damnak ka pe, ram mipi thisen le thlenti lakah Hacang rial in an au lio a si caahzeitin tal in dirkamh hna nak lam, cawlcanghnak khawhnak lam ka hmuh sak. Nun himnak ruah ah a rak zam mi hna caah zeitin tal in santlaihnak a ngei mi ka si ve lai, Thutdir nak ngei lo, eidin tirawl ngei loin an um ahcun nun a hrawm kho mi hna si ve ka herh. Damnak le ttuan khawhnak ka pe hram. Ka miphun caah nun i hrawm a herh tuk lio asi” Amen Credit,Salai Cung Dawt

Be the first to comment

Leave a Reply

Your email address will not be published.


*