R.I.P : Malaysia Ah Chinmi Salai Ling Thang A Nunnak A Liam A Ruak An Char

Malaysia ram, Cheras peng Taman Len Sen ah Chinmi pakhat cu a ihnak ihkhun ah thi cia in char a si i zeiruangah dah a thih, zeitin thla a thihning a si timi cu theihfian a si rihlo nain palik leiin dotthlat nak an neih cuahmah liaopi a si.

Amah cu Chin ramkulh Mindat peng Madartar khuami a si i Malaysia ah Dai Community i ummi a si. A card an zohpiak tikah a min cu Ling Thang Mana ( kum 32 ) mi a si. January 16 ah thi cia in a ihnak hmunah hmuh a si i Malaysia Myanmar Rescue team nih zeizong vialte an buaipi.

Tu ahcun a thih nak a ruang cu an thei khawh rih lo caah Malaysia palik nih Salai Ling Thang Mana ruak cu sizung ah an kalpi i, a thihnak a ruang hi theih fian timh in sizung ah check nak an ngeih cuahmah lio a si.

Malaysia Cheras ah Chinmi tampi an um tiah theih a si i, Salai Ling Thang Mana umnak Taman Len Sen zongah Chinmi an um pah hna tiah theih a si. Tuitan ah Salai Ling Thang a ihnak hmunah thi cia in hmuh a si i, bawmtu upa pawl nih buaipi nak le tawlrelnak in Salai Ling Thang ruak cu buaipi a si. ( Myanmar Social Welfare Association (Malaysia) laaknak-Onlinenungak.com

Be the first to comment

Leave a Reply

Your email address will not be published.


*