Pu Zapeng Sakhong caa tial mi hi Rak rel ve cio hmanh u.

A tang lei ah hin Pu Zapeng Sakhon tial mi caabia kan miphun caah ruah wak tlak taktak caabia tha tuk a si. Rak rel ve hmanh. Dr Lian Lian Hmunh Sakhong i a u a si.
Pu Zapeng Sakhong hi kan miphun tuanbia a tial kho bik hngading mi tiah ruah ve mi kan pa pakhat  a si ve Chin History zong a kan tial piak cuahmah lio a si a lim rih lo. A caa-uk chuah ding rel kan I ngaih hlang taktak mi a si.  Lai caa tein a Chin mi nih rel kho dingin a kan chuah piak te lai. Tlamtling tein a chuah nakhnga caah Bawipa nih hlawhtlinnak pe hram ko seh tiah thla kan campiak. A tang lei ah hin kan mi phun caah ka um kho ti lo tial lawlaw koning a ti a vun tial mi rel khawh a si.

Chim lawlaw ko ning. Ka pehchap ko lai. 1956 ah Kawlram thimnak ah me pe khotu 8570308 an si. 1960 ah me a petu 9915216 an rak si. Me pe tu hna an tam deuh le cangka in U Nu Clean pha-sa- pa- la nih Buddhism kha ram biaknak ah ka ser lai a ti le cang ka in U Kyaw Nyein le U Ba Shwe hruai mi  Stable pha-sa-pa-la pawl zong nih Kawlram cu Buddhist ram ah kan ser lai tiah an thanh ve. Kawl party hna hi zumh awk tlak tak an si lai maw?

Kan biaknak zong a hrawktu an si hnga maw? ref: The Guardian. 5th, May, 1960, and The Nation 14th Feb. 1960.U Kyaw Ngein nih kan mah nih kan tei ah cun ralkap cu barrack ah kan kuat than hna lai The Nation Feb. 3, 1959 a rak ti. A tu 2008 constitution cu kan thlen lai i, ralkap 25% cu an um ti lai lo he a khat  ko lo maw?

Mipi lemsawinak ca lawng a chim mi hna (cu e, kha e kan tuah piak lai) a ti mi party hi an rak tam ngai. Cu tik ah Dr. Ba Maw nih hi tin a rak tial(The Nation Jan. 24, 1960). “Duh mi poh tuah, duh poh in nun hi democracy a si maw?, eihmuar, mithat-lainawn poh zong hi democracy a si maw? Tuanvo pek mi cung ah tuanvo lak in dantatnak tuah hi facist a si maw? hibantuk a tuah mi hna an um chung poh cu zei tik hmanh ah thlennak a chuak lai lo” a rak ti.

Dr. Ba Maw hi Japan uknak chan ah uktu a rak si nain Japan an that lo ning a hmuh caah Gen. Aung San nih Japan doh a timh tik ah a theih ko buin Japan sin ah report a tuah lo, report tuah seh law Gen. Aung San zong Japan nih an tlaih i an thah khawh mi a rak si.laaknak-December Vandawtlian Hc

Be the first to comment

Leave a Reply

Your email address will not be published.


*