Pu Van Biak Thang hi 2011 lio ah England ram Rotary Club nih Paul Harris Fellow Award timi minthatnak an pek.

Pu Van Biak Thang & Rotary Club Paul Harris Fellow Award.Pu Van Biak Thang hi 2011 lio ah England ram Rotary Club nih Paul Harris Fellow Award timi minthatnak an pek. Hi minthatnak laksawng chung ah aitel chihmi cu mintthatnak roca (certificate) le sui hngawngawih (gold medalion) le sui ttangbenh (gold pin) an rak pek I Master akai ah cun full in sponsor ding in an rak pek chih fawn.

Rotary Club cu 1905 ah Paul Percy Harris nih arak thok. I atu ah cun vawlei cung ramkip ah Rotary Club cu an dir cang. Hi club nih an ithinh mi le an tlangtar cu “Service above self” ti asi I Mah pumpak ca nakin mizapi tthatnak caah ttuan kha asi.

Rotary Club a rak dirh tupa philh lo nak ah kumchiar Paul Harris Fellow Award minthat nak cu minung pumpak asi lo ah bu pakhatkhat kha pek asi tawn. Cu an pek mi hna cu an mah pumpak nunnak nih mitampi ca le vawlei caah dawtnak, tthathnem nak, le tthancho nak a chuah ter khawh tiah an ruah mi hna kha pek asi tawn.

Hi minthatnak hi vawlei cung ramkip mi cangkang, mi pical hna nih cun an sunhlawih ngai mi asi. Kan mah kan rianttuan tti hawi asi mi pa Biak (Pu Van Biak Thang) nih hibantuk asunglawi tuk mi minthat nak a hmuh tik ah kan i uang, i kan i lawm taktak. Min thatnak anpek mi i aitel chihmi hi a man in tuak ah cun a tam ngaingai. England I Master full in sponsor ding ah cun phaisa in tuak ah cun dollar tingkhat hrawng asi lai.

2011 lio ah hi minthat nak hi an rak pek. Atu zong ah Pu Van Biak Thang hi Hakha ah a tthu I CHRO Chin ram peng kip rianttuan nak ah minung 45 ahruai hna I din lo in rian atuan cuahmah mi asi. A rianttuannak, a lungput, le aizuam nak kha atu bantuk in England ram I Rotary Club nih an rak hmuh, an rak conglawmh piak mi kha tukum 2020 Human Rights Day ah ka vun thar chuah mi asi.Credit-Salai Bawi Lian Mang

Be the first to comment

Leave a Reply

Your email address will not be published.


*