Pu Tler Ling a nunnak an lak i COVID a si tiah an kan hlen. Pa Khamh Bawi nunnak an lak i cuap zawtnak in a thi tiah an kan hlen rih.

Pu Tler Ling a nunnak an lak i COVID a si tiah an kan hlen. Pa Khamh Bawi nunnak an lak i cuap zawtnak in a thi tiah an kan hlen rih. An ruak hmanh hmuhter loin an kan khangh piak dih chap. Hngal ko nana bakin hmaitonh in an kan hlen. Zei an kan rel loning le an kan namnehning hi ti awk a ttha lo.

Hi zawn ah biahalnak tampi ka lung chuakmi cu; Chin a si i Chinmi lei ah ttang loin, Chinmi a kan thattu ralkap lei ah a ttangmi hna hi An lung a ttha ko rih hnga maw? An i nuam ko rih hnga maw? An rawl eika a thaw ko rih hnga maw?An mitkuh hna teh a thaw ko rih hnga maw?

Lungfahnak pelte tal khi an ngei hnga maw? Mipi kongkau ralkap sinah report an va pek caan ah khin an lung a ttha ko rih hnga maw? Mipi thisen a luantertu tangka an ei ah khin an i nuam ko hnga maw?Mipi thisen le nunnak a liammi an hmuh ah hin i phuhrunnak pelte tal khi an ngei hnga maw?

Chinmi a kan thattu hna hi Chinmi nih kan doh dih a herh timi khuaruahnak pelte tal khi an ngeih caan um ve hnga maw? Asilole kan tangka ruhnak an si tiah mipi hi an kan hmuh hnga dah? Hmaitonh te bakin hal ka duh tuk hna. Ngaihchia, lungfaak le lungrawk a si ko. Credit-Roro Fambawl

Be the first to comment

Leave a Reply

Your email address will not be published.


*