Pu Siang Mang nih Kawlram Remdaih Biaruahnak Ah Chin Miphun Minpu Chin Party Tel Khawh Lonak Dirhmun In A Kan Khamh.

Kawlram remdaih biaruahnak cu USDP, Thein Sein Cozah chan in kalpi a si i, NLD cozah chan zongah an vun peh i nihin tiang kalpi cuahmah a si. Hi biaruahnak ah Kawlram chung hriamtlaibuu, Ralkap, (Acozah + Political party) tiah an i tel dih.
Thein Sein Cozah chan ahcun Political party paoh rak i tel a si nain, NLD cozah an vun kai hnu in Aung San Suu Kyi nih 2015 general election ah teinak a hmu lomi party cu Kawlram remdaih biaruahnak ah i tel hna hlah seh tiah a vun ti tikah, Chin minpu Chin party zong cu 2015 thimnak ah teinak an rak hmuh lo caah an rak i tel kho ti lo.

Vantthat ah 2017 by election ah Matupi in Pyine Hluttaw ah CLD nih teinak an vun hmuh ve caah an rak i tel kho tthan.Cu Aung San Suu Kyi phung cu nihin tiang a nun rih ko caah, tutan ah hin CNLD nih teinak pakhat hmanh ngah loin um sual hna sehlaw cu, Chin minpu Chin Party cu Kawlram remdaih biaruahnak ah an i tel kho hnga lo.

Kan hawi Tlangcung miphun pawl cu, hriamtlai le miphun party tiah remdaih biaruahnak ah hmunkhat te an ttantti le thazang an chuah tti lio ah kanmah Chin miphun cu CNF long an hei si hnga.

Nain vantthat ah CNLD in Pu Siang Mang nih teinak a kan hmuh piak cu, Chinmi dihlak teinak kan hmuh a si. Chin minpu Chin party le Chinmi political party aiawh in Kawlram remdaih biaruahnak ah Chin party an i tel kho ve lai i, CNF he hmunkhat te ah ttantti khawhnak caanttha an ngei lai.

Cucaah cun Pu Siang Mang nih Chin miphun nih Kawlram remdaih biaruahnak ah Chin minphun min in i telkhawhnak lam a kan sial piak khawh. A cungah kan i lawm tuk hringhran. Amah thawngin kan hawi tlangcungmi hmai ah Chin miphun mithmai kan ngei ve lai. Hmailei a kar hlannak ah Bawipa nih lam hruai ko seh. Congreculations Pu Siang Mang CNLD!
Credit-Salai Biak Tum Lian 2020-11-10

Be the first to comment

Leave a Reply

Your email address will not be published.


*