Pu Ngura (Rev. Dr. Ngurliana, MA, PhD Birmingham University, UK) nih ruah lopi in a kan liamtak ti thawngtheih cu ka lungttha hrim lo.

Pu Ngura (Rev. Dr. Ngurliana, MA, PhD Birmingham University, UK) nih ruah lopi in a kan liamtak ti thawngtheih cu ka lungttha hrim lo. Pu Ngura hi keimah pumpak hrimhrim in a ka dawtu a si. Myanmar Theological College, Mandalay khua i B.Th ka kai lioah kum 4 chung ca a ka chimtu a si lengah Tahan Vengpui Methodist Khrihfa Nubu nih bawmhnak an ka pekmi kong zongah amah nih interview a ka tuah. US ram sianginn kainak ka tuah lio zongah recommendation voi 5 a ka ttialpiak.

Pu Ngura hi cachimh a thiam, phungchim zong a thiam, cattial zong a thiam, Kawl holh zong a thiam, a theology zong a sang, a mirang holh zong a dawh, Greek le Hebrew zong a thiam fawn. Pa dik pa hman a si. Pa za bak a si. Keimah pumpak hrim a ka dawt ruangah US ka phak hnuah a lakphakti dingnak ah tiah tlawmpal te ka hei kuat. Tuantuk in a kan kaltak i Kawlram Khrihfa kan sung tinak a si. RIP. Taantakmi, Sangluai te chungkhar Bawipa nih hnem ko hna seh. Keimah pumpak hrim in ka lungttha lo ngai.
Ctedit-Van Tum

Kalaymyo Ah Hramhram Uk Nak La Tu Ralkap Nih Ting 90 Leng Man Thilri Cu An Chuh/ Lak Piak Hna!

Ralkap nih April ni 7 ah khan Tahan mipi veng tu um nak an  doh ah khan phaisa  ting (93) ,cycle pahnih le zeidang thilri pawl zong hramhram in an chuh hna .

Hmunlai Kyut Tung Pin veng ah a um mi “lamkiang ah facang zuar nak dawr ah ting (70) an lak, Dawr ngeitu nupa hna zong hri in an tem hna .

Midang inn ah ralkap pawl an luh kar ah tikholh nak khan ah kaa thup.Ralkap pawl an chuak cang ko lam an phan cang lai tiah ka ruah ii inn ka ka on an theih ii   hlei ka ah a rak ii thup mi ralkap cu inn chung ah an lut ii phaisa ting 2 le bank cauk an lak nan bank cauk cu an ka pek than tiah a chim. Taungphila veng zong ah inn ka an bauh ,tawh an hrawh Piak mi inn zong an um.

Kyuttungpin veng ah um mi  chung khar pakhat zong zaan 10pm -11pm kar lak ah ralkap nih an inn ah luh hnawh in thilri an kawl suhbu fa mi chung ah phaisa ting 2 leng le suhbu a ngan mi chung ah phaisa ting 12 a dih lak ting 15 leng an lak . Ka fa nu zong lungrethei tuk in a um ii dawrkai nak phaisa fangkhat hmanh kan ngei ti lo tiah a chim.Cun kan inn pa hna phaisa zong ting 6 an lak tiah a chim chih.

Sanmyo veng Hemantit kuanya dawr chung zong ah an lut 125 cycle pakhat ,Ray cycle pakhat le One tea cawhnuk buu 12, kunpawng  kat 3, Rubby kat 1, Khaini kat 1, phone pakhat  a tun nak he  phaisa 200 ca  a nek pawl thing hra reng lo le mei ti pahnih an phoih ii an ii kal pi tiah thawng theih asi.
zalen Chin Post

Be the first to comment

Leave a Reply

Your email address will not be published.


*