Pu Ngun Hup te Tangka Ting 10 MMK le Thilri Dangdang SAC Ralkap nih an Lakpiak Hna

Nihin chun Hakhathar ah SAC ralkap nih luh hnawhnak an tuah lio ah Pu Ngun Hup te chungkhar tangka ting 10 MMK le thilri dangdang an lakpiak hna, tiah kan theih.

Pu Ngun Hup te inn an bauh i tangka ting 10 MMK, an fapa nupi tthit lio i laksawng thilri bizu khat, Laithil an fimnak thirkuang kuang 2 le 125 Motorcycle pakhat an lakpiak hna.

Cun, inn dang an bauhmi zong a um rih i, thilri pawl an i kalpi, tiah khuami pakhat nih a chim.

Nihin chun Hakhathar an luh hnawh lio ah Hniarlawnthar Gospel Khrihfabu pastor saya Sang Awi telh in pa pasarih an tlaih hna, tiah thawng kan theih. The Chin Journal May 6, Hakha

Zaangfah tein, Nangmah kha mizeidah na si timi i check ta law ti kan duh,Santlaihnak cu na ngei ve rengreng maw? Hruaitu soiselnak bia an chim, CDF soiselnak bia na chim, Zuri bantuk in na au khuang peng, ninghngal ngai in na aukhuang peng. CNF/A na soisel hna, Ral a kap cuahmah mi CDF na soisel rih hna, a kapkip in hruaitu pawl na soisel hna, a caan ahcun ZU na rit caan paoh ah facebook catial le cakuat a hmang mi na sinak zong aa thei ngai cang.

Cu caah;Nangmah kha Miphun caah na tuan bal maw, CNF/A hna cu na lut bal in an chung rianttuan ningcang cu na thei bal reng maw, CNF/A caah phaisa na thawh bal maw?

CDF caah phaisa na thawh bal maw? Tutan CDF caah fangkhat tal na thawh maw? Nangmah teh ramchung ah va lut in Ralkap cu na kap ngam ve rengreng lai maw, bia na chim hlan ah a hodah na si timi kha i ruah, i check ta, Zuding le Zuri peng bantuk in au lengmang hlah.

Lungrual nak, teimaknak, lungthinkhat tein rianttuan caan a si. Ralkap an cihmih a herh. Thisen an thap hi, na thutnak hmun men in mifim si i tim hlah timi kha zaangfah kan nawl duh hna.Credit-Mah Nuam

Be the first to comment

Leave a Reply

Your email address will not be published.


*