Pu. Lian Uk nih Sakhong le Sa Sa sin ah lawmhnak bia a rak tial mi hi kan fiang lo

Pu. Lian Uk nih Sakhong le Sa Sa sin ah lawmhnak bia a rak tial mi hi kan fiang lo.Tulio caan hi lawmhnak bia chim caan a si lo, thazaang thawn nak zeitin dah kan kawl lai i kan tuan lai ti caan a si.

NUG sin ah CNF nih hna tlak nak min a thut kan ti zong ah tlangcung hriamtlai hna le Ramdang Cozah dirpi nak tel lo in NUG nih zei rian hmeh a tuan kho lai lo.

Biapi bik ah chiah ding mi cu kan ram Uk nak thlen nak ding caah pumpak pakhat cio kan biapi ti kan i theih a hau.Crd-Salai Ceu

Hitluk Dirhmun A Phak Ding Ka Rak Zum Lo, NUG Cu Thli Lakah A Ummi A Si Caah Ramchung Ral A Tho Kho Lai Lo.Tutan i Taluk cozah thawngthanhnak pakhat a simi Phoenix TV he tonnak ah MAH nih nawlngeihnak kan lakmi kongah mipi lei lehrulhnak atu bantukin a fak te lai ti ka rak zum lo tiah a chim.

Phoenix TV nih nawlngeihnak nan lak hnuah mipi lei lehrulhnak a fak chin lengmang. Hi kongah a hlankan in na ruahdamhmi ti bantuk a um el maw tiah a hal i MAH nih a cunglei bantukin a lehmi a si.

“Hei chim ko usihlaw atu bantukin a fak lai tiah ka rak zum lo, an thinlung temtuarnak a um ruangah a si lai cu” tiah MAH nih Phoenix TV biahalmi cu a leh.

Cu lawng si loin NUG cu phungninglo bu ah kan thanh cang. NUG cu thli lak lawngah a ummi a si caah ramchung ral a tho ding dirhmun pakhat hmanh a um lo tiah Phoenix TV he tonnak ah a chim.Khit Thit Media The Chin Post

Be the first to comment

Leave a Reply

Your email address will not be published.


*