Pu Kio Mang” Kanmah te in i uknak nawl le khuakhan lairelnak nawl kan ngei ahcun ramkomh Kawlram ah kan i fonh ko lai,

Pu Kio Mang”Kanmah te in i uknak nawl le khuakhan lairelnak nawl kan ngei ahcun ramkomh Kawlram ah kan i fonh ko lai,” (Pu Kio Mang, 1947 February at Panglong Conference, Federated Shan State).

Dawtmi Halkha mi hna, Kan Pu Kio Mang nih Chin miphun aiawh in Boyoke Aung San (Kawl), Shan le Kachin he ramkomh Kawlram dirhti lio ah a cunglei bia hi a rak chim mi a si. Panglong biahrennak (5)nk ah Chin nih Chin, Kawl nih Kawl, Kachin nih Kachin, Shan nih Shan tiin mahte in uknak nawl kan ngeih lai tiin biakam ruang ah Panglong hnatlaknak minsen a rak thut hi a si.

Daw Aung San Suu Kyi nih a pa a dirkamh i Kawl miphun dihlak nih Boyoke Aung San a hnu an zul bantuk in.

Pu Kio Mang tufa Halkha mi le Chin mi dihlak nih Pu Kio Mang nih Panglong minsen thutnak ah a biakam kan dirkamh pi le kan tlamtlinter a herh ve.

Panglong i Chin, Kachin, Shan le Kawl kan pa le an biakamnak a tlamtlin lo ruang ah kum 70 renglo ral kan thawh hi a si. Cu kanmah te in uknak nawl le khuakhan lairelnak ngeih ding covo tlamtlin lo ruang ah CNLD zong nih MIPHUN COVO LAAK THAN DING AH tiah Pu Kio Mang, Pu Hlur Hmung le Pu Thawng Za Khup keneh kan zulh hi a si. An phu kan hlam hi a si. CNF telh in tlangcung hriamtlai nih lam an kan hruai.

Kawl nih Boyoke Aung San biakam a tlam an tlinter a herh. Chin nih kan pa le Pu Kio Mang te biakamnak kan tlamtlinter a herh ve.

Cucaah Pu Kio Mang, Pu Hlur Hmung le Pu Thawng Za Khup aiawh in 21st Century Panglong Conference ah le Parliament ah Daw Aung San Suu Kyi he saduhthah bia kan i ruah khawh nakhnga, Panglong hnatlaknak bantuk in a fekmi ramkomh kan dirh than khawh nakhnga a ralai mi November 8 thimnak ah Chin Miphun Aiawh CNLD hrimhrim hi thimfung rak thla cio hna usih. Chin nih Chin aiawh seh, Kawl nih Kawl aiawh seh, Kachin nih Kachin aiawh seh law Shan nih Shan aiawh seh. (Unau tinzo te in fangkhat cio i phawt le Miphun Tlukruannak he Ramkomh Ser Caan A Cu Cang.

Kawl nih Kawl biakamnak tlamtlin ter hna seh. Chin nih kan pa le biakamnak tlinter hna hna usih!Halkha nu le pa le hawi le kom he biaruahnak ah ka chim mi chung in.Credit-Salai Mang Hre Lian

Be the first to comment

Leave a Reply

Your email address will not be published.


*