Pu Kap meeting akai ning hi Party ai a awh lonak cu CNLD chairman nih Chin World ah a chim cang.

Tuzan cu Pu Than thil tuah nih aa ka buai ko.
Hi kong ah zei hme nai san tiah nan ka ti men hnga. Apoi lo, ruah phu asi nak cu chin mi kan pa le zei mawzat/zohchun tlak ti tawn mi lam an tlau tawn mi hi ruah lo awk tha lo cu mu.

Pu Kap meeting akai ning hi Party ai a awh lonak cu CNLD chairman nih Chin World ah a chim cang.

Party ai a awh lo ahcun UEC nih cun pumpak cu an sawm hna lo, party lawng sawm asi caah zeitin dah a va kal khawh ning asi hnga.

UEC sawmnak cu Chin Party nih kan i tel kho lai lo tiah cathanh an chuah mi kha Pu No Than Kap a theih lo maw a si hnga, a zulh duh lo hrimhrim dah asi hnga? Asilo ah kha UEC sawmnak cohlan lonak cathanh kha Party CEC/ EC hnatlaknak in tuah mi asi hnga lo maw? Pumpak in an thanh mi cu asi ka zum fawn lo. Cun kai lo ding biachahnak tuah lio ah teh pumpak a thli in UEC sawmnak ah kal lo ding ti bantuk ralrinnak hna an tuah hnga lo maw?

Cun Pu No Than Kap cu pumpak in hei kai mi sisehlaw pumpak sawmnak asi ahcun UEC nih election kong he pehtlai in adviser phun maw tlangtla tu phun in an sawm mi hna a si hnga maw ti tiang in aa ka ruah ter.

Aruang cu hi bantuk Party lutlai cawlcanghnak nih hin nihin kan rambuainak kong ah Gen Z cawlcanghnak le ralkap uknak thlak ding cawlcanghnak ah tha a chiat ter ngai.

Atu hi ralkap he biaruah le rawlhrawm ti caan asi lo. Ning cang loin in uknak latu sawmnak cohlan hi sual tuah pakhat asi ve.

Cu caah CNLD ah zumh tlak tein a thu dir mi CEC le EC dang hna cu ka upat tuk hna. Abik in an hruaitu Pu Ngai Sak zong miding fel asinak a hung lang chin.Khah hi vial in si rih seh…Lai Ram Liapa

Be the first to comment

Leave a Reply

Your email address will not be published.


*