Pu Enoch Ruakvuinak Kong

Kan pa Sung Sung pa (Pu Enoch) ruak cu thaizing (Kawlram caan zinglei sml.10, December 2, 2020) ah Yangon khuapi Hlingthaya peng Htein-Pin khrihfami hna thlanmual ah vui a si cang lai.A tuanbia le a riantuannak hna zong a tanglei hmanthlak ah tlingte in rak rel khawh a si kan khrihfabu ah cun kum sau bik kum hra chung.Church Secretary rian le Church President zong term 3 tiang a pehtu kan pa a si.

Cu lawng si loin hlan cozah chan lio i atu kan biakinn saknak kong, Mission riantuannak kong, cozah lei he aa pehtlaimi paoh cu amah tawlrelnak thawng in a dang khrihfabu nih ngah khawh lomi zong tampi kan rak ngah khawh. Khrihfabu a daw taktakmi kan pa pakhat a si pinah khrifabu hmai a hngaltertu arfi bang kan zohchunmi kan pa zong a si.

Atu bantukin kan pa Pu Enoch nih mual a kan liamtakmi ah hin a dawtmi a khrihfabu tak zong nih atu lio pulrai zawtnak ruang a ruak vui kho loin kan um hi kan ngaih zong a chia ngai. A thaw a dih lai tiang zongah hi kan khrihfabu cu a mitthlam ah a leng hrimhrim ko lai.

Kan pa Sung Sung pa kan in siang hrimhrim lo. Hei kal chung ko ne kun law… na liamtak chungmi–na chungkhar, na khrihfabu le na miphun hawi hna ngaihchiatnak zong kan biak Pathian tu nih kan hnem hram seh.
Credit-Za Bawi Thawng

Be the first to comment

Leave a Reply

Your email address will not be published.


*