Pu Ceu Hnin le a Chungkhar Sinah Lawmhnak Bia Chim kan duh,

US ram Austin, Texas khuasa Pu Ceu Hnin le a chungkhar nih Emergency National Security Fund (ENSF) caah $10,000 cu Chinland Club of USA Chairman Pu Tial Hmung sinah a rak pek.

Pu Ceu Hnin hi Laitlang a khua cu Thantlang peng, Khualhring tlang, Lungzarh khua mi asi. Atu bantuk in CNF/A caah chawva in a kan bawmhmi cungah, CC USA kan ii lawmtuk hrinhran. Pathian tu nih a let tampi in thluachuah pe ko hna seh, Amen. Salute to Pu Ceu Hnin and his Family!
Credit-Chinland Club Of USA

Adang relthan:Mipi Cawlcangh Caan A Si Cang .Atu lio cu kan ram pumpi in ralkap uknak duhlonak langhter lio a si bantukin ralkap le palik nih tuk den, kah thah le tlaih khih a tam lengluang ko cang. Dai tein duhlonak kan langhter ti zongah anmah leiin kah thotho le fahnak pek thotho a si peng cang.

Cucaah cun a rauh hlan, thaizing kip lei cun dai tein um khawh a si ti lai lo. Ralkap le palik nih an kan tuk den le an kan tuahto bantukin ram chung mipi nih lehrulh le tuahto i an kan tuk denmi nak fak deuh in tuk den le țhuat an hau ve cang lai. Mipi cawlcangh caan a si ve cang. Dai tein i in ko caan a si ti lo.

Atu cozah, CRPH zong nih mipi nih nanmah le nan si khawh ning cio in ralkap le palik cungah lehrulhnak tuah ding a si cang. Nanmah le nan ti khawhnak cio in rak do ve hna in rak țhua ve cang hna u tiah ram pumpi theih in thawngthahnak zong an tuah cang.

Cucaah cun mipi nih duhlonak nan langhternak i ralkap le palik nih an in kham hna an in tuk an in den hna i an in tlaih hna le an in kah hna ruangah nan lehrulh hna i ralkap le palik nan thah vemi hna kha sualphawt nan si lai lo. Zeiruangah tiah cun ralkap le palik cu atu lio ah ralhrang an si. Zei bantuk minung an si zongah ralhrang a that khomi paoh cu sualphawt an si ballo.

Ralhrang ralkap nan țhuat, nan tuk den hna tikah ral bawmtu (Ralkap thazaang chapmi) fawi tein an umkal khawh lo nakhnga a tanglei bantukin kan tuah khawh ahcun a țha tuk hnga.

(1) Tlanglawng lam hrawh dih ding. Tlanglawng lam hi ralkap nih hriamnam phurhnak le ral bawmtu, ralkap thazaang chapmi phurhnak ah an hman ngaingaimi a si. Cucaah tlang cung hriamnam tlai nih bomb puahhnawh i hrawh dih ding a si.

(2) Ralhraang kawl ralkap mawțaw an rat nakding lam cungah petrol (ဓာတ်ဆီ) toih tung u law cuka hmun an phanh bakin mei duah colh ding a si.

(3) Palik le ralkap nih mipi cungah fahnak an in pek deuhdeuh hna bantukin an umnak camp (စခန်း) petrol toih i duah thluahmah ve ding a si.

(4) Mipi nih ralkap le palik he hmaitonh in nan i ton, nan i țhuat tikah mipi nih nan tlaih khawhmi hna paoh an hriamnam chuh i an uniform phoihpiak dih ding an si.

Ram pumpi in hmunkip ah hiti bantukin nan tuah khawh hna ahcun an hriamnam an chiah lai i a rauh hlan ah mipi sinah an i ap dih ko lai. အရေးတော်ပုံ အောင်ရမည်By-Salai K. Biak Lian Thawng

Be the first to comment

Leave a Reply

Your email address will not be published.


*