Pray for Mualkai & Tihbual

June 10 i Khualhring tlang Mualkai khua le Tihbual khua karlak ralhrang le CDF/CNA kahdohnak ruangah siseh June 11 i Mualkai khuataw Kuangpi va kahdohnak ruangah siseh Mualkai khuami le Tihbual khuami hna cu khuapi lei le kiangkap khua hna ah an zam hna.

Tlangte khua ah a zammi Mualkai khuami hi minung 200 hrawng kan si, lam zong kan zawh ngam lo, ramlak bak in kan ra tiah Tlangte ah a zam vemi pakhat nih a chim.

A langhlat in kan ti khawhmi zeihmanh a um lo. An caah thlacam piak le thazaang pek tal thahnem cio usih.

Note: Kahdohnak kong he pehtlai in CNF/A min hi anmah an i telnak ah cun kan langhter lengmang cang lai. Hihi CNF upa hna lungtlinnak le theihpinak in kan langhtermi a si. Kanmah nawl in a si lo, ti khan careltu mipi nih kan theihpiak hram u!

A tanglei hmanthlak hi Tlangte ah a zammi Mualkai khuami an si.The Chin Post

Be the first to comment

Leave a Reply

Your email address will not be published.


*