Phungki Pa A Mangchia :Phungki pa a mangchiatnak kong cu “Lai Forum” ah 2009 – 2010 hrawngah a si rua. Ka palh kho.

kan upa te nih an rak tial balmi kha mitampi nih rel cio a si. Keimah zong ka rak relbal ve. Cun online zongah an rak thlahmi a um. A tawinak in chim ahcun Chin ram in kawlrampi uktu ding le hruaitu dingah mifim tampi le minthang tampi an chuak lai tinak khi a si. Atu ah Vice-President H Van Thio, Dr. Salai Lian Hmung Sakhong, Dr. Ngun Cung Lian le Awtha minung tampi hna cu an chuak taktak cang.

Phungki pa a mangchiatnak kong cu hi tihin a si. Kawlram Nitlak ( Western) lei mi tlawmte umnak zeihmanh ah kan rak rel then lomi ramkulh hme te in Arfi ngan pakhat cu a rak zuan i kawlram khualipi Naypyidaw ah a dir. Mah Arfi cu Arfi dang tampi nih an kulh i a kalnak paoh ah a buu in a hnu lei in an zulh i a hrum aimi minung tampi nih an hmuh tikah lawmhnak in an khat. Asinain Phungki cheukhat le micheukhat nih Arfi cu tla seh tiah lung in an chehlen nain a tla kho lo tiah a chim. Cun kum khat hnu kum khat Nitlak lei in Arfi cu an chuak thluahmah tiah a chim.

Atu ah phungki pa a mang bantuk tein Chin miphun mitlawmte umnak Chin ramkulh chungin Vice-President H Van Thio cu kawlram pumpi uktu a si tikah le Khrihfa a si tikah Phungki cheukhat pawl le mi cheukhat pawl nih Buddhist ram a si mi kan ram chungah Khrihfa a simi Vice-President H Van Thio cu kan duh lo. Arannak in a rian rak kan thialpiak ( remove) tuah uh, tiah lamzawh in duhlonak an rak langhter.

Asinain, Vice-President H Van Thio cu Pathian nih Kawlrampi uktu caah a thim cangmi a si caah zeiti hmanh in an tuah kho lo. Pathian nih a umpi peng.

Vice-President H Van Thio cu Kawlram miphun dihlak nih Tilet, Thlichia, harnak a phunphun )National Disaster Management) Committee (အမျိုးသား သဘာဝဘေးအန္တရာယ်ဆိုင်ရာ စီမံခန့်ခွဲမှု ကော်မတီ ah Chairman rian an pek tikah, Tilet, Thlichia le Mincim nih harnak a pekmi hna sinah a mah pumpak in a va kal i hnemnak bia le bawmhnak a pek tik hna ah minung tampi cu lawmhnak in an khat. Vice-President H Van Thio cu a riantuanmi hmuh tikah hlawhtlinnak nganpi a hmuh.

Cucaah Vice-President H Van Thio cu 2020 thimnak ah teinak a hmuh nakhnga le a rian hlawhtlinnak a hmuh chinchin naklai Pathian sinah thlacamnak in bawm cio hna usih!Careltu dihlak cungah lawmhnak tampi he,
Credit-Pa Hen Thang

Be the first to comment

Leave a Reply

Your email address will not be published.


*