Phaisa fang bak in 300 le 150 tiin voihnih bakte a ka chuah i rawl chumh cooker zong a ka caw piak rih fawn.

Sianginn ka rak kai lioah a ka daw tukmi ka hawittha tuk, Chris Rosser a si. Ca zong a kan chim pah library zongah a tuan pah. A lamkip in a ka bawmh. Dawr kal le lengchuah ka duh caan poah ah a ka zul pengtu a si. Ka manh lo tiah voikhat te hmanh a ka el ballo. Rawldawr ah dawr a ka dangh rih. Ka nunchung ah Christmas laksawng ka donghi amah sinlawng in a si.

Phaisa fang bak in 300 le 150 tiin voihnih bakte a ka chuah i rawl chumh cooker zong a ka caw piak rih fawn. Innchung thilri ka herhmi vialte an rak ka cawkpiak fawn, a ciasa bak in an rak chiah dih. Sianginn kai hartuk lio dawtu neihhi a rak sunglawi tuk. Harsatnak a phun2 ka tong lio caan zongah hehtiah forhfialnak bia le hnemhnak bia a ka chimh lengmang. A neihmi thilri tiang in a ka hlanh. Pathian nih keimah bawmtu ah a ka pek titluk tiang in ka ruahmi a si.

Sianginn dih lai i ka umnak asawng ka ttial lio zongah hehtiah a fapa he an ka bawmh. Sianginn kai ding in bus station ka va phak lio zongah amah le zung i rianttuanmi, Josh nih zingka nazi pa 4 hrawngah an ka dong i an ka lak, khuasik lakah. Ca ka tuah tik zongah ruahnak a phun2 a ka cheuh. Amah sin in theihhngalhnak a phun2 zong ka lak. Pathian nih nun saunak, ngandamnak le thluachuahnak pe ko seh. Japan ram zongah a nupi he kum 8 deng an um cang, mirang cachimh ah.Credit-Van Tum

Be the first to comment

Leave a Reply

Your email address will not be published.


*