Pfizer Sii Nih Covid-19 Zawtnak 100% A Khamh Cang

Coronavirus khamhnak sii, Pfizer cu Covid-19 zawtnak 100% a khamh khawh cang tiah tuchun ah an chim.  A hnu bik phase 3 trial hniksaknak an tuahmi ah an hmuh khawhmi a si. Cucaah kum 12-15 karlak mino pawl zong chunh khawh an si cang lai tiah zumh a si.

Pfizer/BioNTech nih US FDA ah data an hmuhmi vialte cu an chuahpi than lai i, FDA nih kum 12-15 kar minung chunh khawh dingah cohlan dingah an hal lai. A hnu bik hniksaknak an tuahmi hi mino kum 12-15 kar minung 2260 an tuah hna i an zapi tein Covid-19 zawtnak in a khamh khawh hna tiah an hmuh. Tuan deuh ah kum 16-25 karlak zong hniksak nak trials an tuah cang hna i, tha tein hmul a ngei ko tiah an ti. Emergency caah cun kum 16 in a chunglei chunh khawh an si cang. Pfizer hi voi hnih 2 does ichunh a si. Tuan ahcun 95% lawng a khamh ti a rak si.

US ah Moderna, Pfizer, Novavax le Johnson and Jonhnson hi FDA nih emergency caah chunh dingah a pommi a si. Asinain Johnson and Johnson hi allergic ngeimi caah iralrin deuh a herh tiah an chim. Johnson and Johnson cu voikhat lawng ichunh a si.  CDC nih an tuakning ah Mordena le Pfizer cu 95% a khamh khawh tiah an chim.Credit-Salai Lairamthang

Be the first to comment

Leave a Reply

Your email address will not be published.


*