Pawngkam kilven hi minung a simi paohpaoh i kan rian a si.

Pawngkam kilven hi minung a simi paohpaoh i kan rian a si. Sual ah kan rak ruah lomi pawl, nga ci zong thi dih tiang i dynamo, Sii, bomb le hruden in nga tlaih tehna, saram an rai lio zong hual lo tiangtiang in kah le thah, hmanlo dingmi thingkung hau le thluk tbk..pawl hi kan herhmi pinlei i a hleihluat thil kan va tuah a si ko.

Eidin ding le hmanrua ah Pathian nih a kan pekmi pawl an si, a dik! nain ningcang te’n hman le eidin ding tu in a kan pekmi pawl an si. Sual ah kan rak ruat lo nain sual bak a si, sualnak cu ho hmanh nih kan hrial kho hlei loh kan ti i kan tuah chih peng ahcun hmailei a tuartu ding cu nangmah le keimah thiamthiam kan si.

“A ciammi thingkung pawl, thlizil nih dai te’n a hei ttah ” na zim a corh than theo lai” ti’n.A tling ti lo mi chungkhar bang Lai ram ah an thla a tla ti rua lai loTupi hmawng ttha, duhsah in an ziam an ziam.duhsah in an ziam ziahmah Chamnaal tang ngaikuang le ti-hrah a hei pahmi nga tete hna.

A thiang ti lomi kan tiva ah an nun a ha
thinpit in an nun a pur ruahmahThlingkik in khuhlu ttil hmanh a char ti lo mi Sakhi Khoimaw hmun ah i thup i biik in Malaysia um Lai ralzam bang. A him ti lomi a nun ca’h Lai ram a chuah tak cang rua lai.A nunnak kong a ruah ah a keneh tiang khi a hua.”

Ttamhmoih chom hau loin kokek te’n hi tluk ai dawh cia mi hi hrawk loin ttamhmoih chinchin u silaw zeitluk in dah ai dawh hnga.
Credit-Salai Za Ceu Lian

Be the first to comment

Leave a Reply

Your email address will not be published.


*