Pathian kai lawm, na min thiang kan thangthat.

Pathian kai lawm, na min thiang kan thangthat. 2020 Kum cu vanchiat kum, zawtnak fahnak le pulrai ruangah hlawh cham in kan um kum a si. Nain, na dawtnak cu zungzal in a hmun. Na velngaihnak cu dongh ni a ngei lo.

Na rian ka tuannak ah chambaunak le tlamtlinlonak a tampi. Khrihfabu le midang caah ka thlum-al kho lo, an lung ka tong kho lo. Nain, mualpho le thangchia in na ka chia lo.

Na rian ca le Khrihfabu ca ah tinhmi tampi ka ngei ve. Hmanhseh, tuan hnga tluk in ka tuan kho lo. Cawl hnga tluk in ka cawl kho lo. Nain, tuah-tuanmi hnihkhat ah hlawhtlinnak na ka pek i tuanmi chim ding ngei ah na ka chiah.

Ka hnulei nunnak ka zoh ah lam na ka hruainak ka hngalh, nihin ka sining ka cuanh ah nangmah umpinak ka theih, hmailei ka lamthluan kong ah tuanvo a ka latu na si ko. Kan bochan i, kan hngatchan ko maw Bawipa Pathian. Ka kal tak hlah. Ka umpi zungzal ko. Happy New Year To You All!Credit-Holly Ram

Be the first to comment

Leave a Reply

Your email address will not be published.


*