Brazil ram, an miphun nih sunhsakmi puai pakhat ah Khrihfa biaknak le Kan Pathian Jesuh Khrih nehsawh nak le Satan( khuachia ) cawisan nak an tuahmi video ka zoh. Ka thinlung ah ruahnak pakhat arak lut i, Pathian serhsat le nehsawh atthat lo nak kong hawikom nan sin ah hrawm ve ding in ka rak post: Vawlei cung ah min laar/ min thang taktak pawl nih Pathian deh cawh ( mocking) atuah/chim ruang ah an zun mi theipar ( asiloah) Pathian dantat nak atlung tiah zumh mi tuanbia tawi , vun langhter hmasa ka duh.
Marilyn Monroe ( Model, Hlasakthiam, Actress) Voikhat cu mipi hmai ah biachim nak angei , culio ah Billy Graham nih ava ton, Pathian nih aka thlah, Pathian bia chim ka duh ati, Atimi cu Na biakmi Jesuh kha ka herh lo ” tiah aleh. Arau lo, amah ten a inn khan chung ah athi colh.
Tancredo Neves ( Brazil President ) Voikhat cu election an icuh i, teinak ahmuh , vote tamtuk ahmuh ruang ah a sopaw ciam mam i aporhlaw ” Pathian hmanh nih ka thutden hi aka cuh kho lai lo ” tiah achim. Pathian hmanh nih aka tei lai lo ti khi asi” Arau lo ” President rian pek-chanh nak hmanh an tuah hlan ah azaw i, athi colh. Election atei i , President tuan hlan ah athi colh.
John Lennon ( hlasakthiam minlaar taktak) ” Voikhat cu Magazine pakhat chuah ding ah biahal nak an tuah, Cu ah chim mi cu ” Khrihfa hi a dong lai, atlau cang lai, Jesuh nak in kan min athang deuh, kan laar deuh ” tiah porhlawtnak bia achim.Arau lo, achim tlawm pal ah meithal zun 6 in an kah athi colh.
Thomas Andress ( Titanic Tilawng sertu pa )Voikhat cu media reporter pa nih bia ahal ” Ttanic tilawng hi zeitluk in dah atthat i, ahim/safe tiah an hal, Alehmi hna cu ” thir nak in ahak deuh , Pathian hmanh nih Ti- chung ah apil ter kho lai lo ” tiah nehsawh in bia achim. Arau lo, Titanic tuanbia kan theih dih ko cu ta , faktuk in arawk i mitamtuk an thih nak ah acang.
Christine Hewitt ( Jamaican miphun minthang Jornalist ) Atialmi cu ” The bible ( Words of God ) is the worse book ever written ” (Bible – Pathian Bia tialmi hi achia-kha bik mi cauk asi ) tiah nehsawhnak atuah.. Arau lo, tlawmpal ah motor accident in motor chung ah ciam lak in a kaang..
Pathian kong nehsawhnak achim mi hna , mifim thiam- min laar tampi an um len rih nain mah vial lawng hi langhter ko usih. Micheu nihcun ” an thih caan atlin caah an thih bia asi ko’ Pathian daan tat nak he cun a pehtlai lo ti khawh asi. Asinain Bible- Pathian bia hrim hrim ah Pathian-Jesuh deh cawh- nehsawh , thlarau sersat biachim atthat lo nak tampi kan hmuh.
Nai ah Brazil Ram ah thil acang mi kong kan theih dih. Brazil miphun nih Carnival Puai sunglawi pakhat an tuah. Cu ahcun Khrihfa biaknak le Jesuh khrih nehsawhnak hmuhsak nak an tuah. Jesuh cu Satan nih hri in ahrui, i an velh ter i, Satan nih atei i vailam ah atlai nak te hna hmuhsaknak an tuah. Satan Muisam keng in thilthuam he an chuak.
An au, an laam i, Satan cu conglomhnak an pek. Vedio ahcun kan hmuh dih caah tampi chim hau lo asi. Arau lo, kha hmuhsaknak aa telmi cheukhat sizung ah mah hngal lo in aphan mi an um, an tin lei ah motor accident atongmi an um ti kan theih. Puai adih bak in, Brazil ram nih an i uar tuk mi ( tlangpar sakmi Jesuh Lem zong tek nih kuai lak in atlak i, brazil ram ah aum bal lomi, zerh 2 chung cat lo in ruah asur caah inn le lo ti-lian nih achilh dih i, van sang au in an um. Adonghnak ah ” Pathian sin ah ngaihchih in thla an cam i, lam cung ah Pathian sin sual ngaihchih nak in thla an cam.
Galati 6:7 ah ” Aho hmanh nih Pathian cu an deh ( mocking ) kho lai lo ,mi nih atuh mi cu azun ko lai tiah ati. Pathian bia hrim hrim nih ” minung nih kan tuah mi cu kan zun ko lai ” tiah akan ti. Vawlei ah kan tuahsernak hi kan zunding theipar lawng te an si.
Mathai 12:31 ” Minung hi sualnak zei poah an tuahmi le thiltha lo achim mi cu ngaihthiam an si ko lai , sihmahsehlaw thiang thlarau ralchanh in bia achim mi cu atu chan ah siseh hmailei chan ah siseh ngaihthiam khawh an si lailo ” tiah ati.
Pathian hmai ah kan tuh ning te in kan zun cio te lai.Careltu vialte nan cung ah ka lawm.Crd.Ral Eng Khenglawt
Hmanthlak hi Brazil Jesuh Lem Tek atlak lio lak mi asi.
https://youtu.be/ay5Lt6l5yi0
Leave a Reply