facebook ah a si sat lo mi pawl caah na biangki nem in na mitthli a lung nain na fa le kan caah Cung Pathian sin nawl nak mitthli cu a tla ruam lo.

Hell In Kan Hlam Ee, Ka Nu. Phaisa na ti nak ah, Pathian bia na ka chim menh lo.

Na pawng te ah thut i lunglawm tein na hmur kaa thlum in bia ruah ding ka ruah chan nain kal na rim chia na ti.Hawi dang cu an nu le nih biakinn lei ah an hruai hna nain kei cu hruai chim lo sawm zong ka tong lo.

Midang caah na caan na sian ngai nain na fa kei mah caah cun caan a um ti lo, ka ba tuk na ti.
Hawi dang bang ca thiam zong ka duh ve nain caan ka ting ti lo.
Ka rawl tam kan ti tik ah na tam tam, va kal ko na ti, nain kan vokpi a nguk i a awnh ah cun zawk zawk in a rawl na pek ko.

Zaan ah hawi dangnu cu tuanbia tha tha in an va le an thlim hna i, phone zoh nai hnawh i fimchimhnak bia tha kaa khat te hmanh kan co ti lo.Na phone cu a rawk lai na siang lo i, na fa le kan rawk dingmi cu a ruat hmanh na rak ruat lo.

Na phone battery cu a dawng sual lai na ti i, a tu le lek na tun nain na fa le dawtnak rawl tam in kan hrum ai len kha cu na thei lo. phone in zeidah cang tiah thawng pang na ngai nain na fa le kan thinlung ah zeidah cang ti cu na ruat fawn lo.

Hlan ah cun Pi Pu hna nih, “Nu zunthlum pa hawngkawng” an rak ti nain a tuah cun,” Pa hawngkawng,ย  nu hawngkawng” ti a si ve cang.

Phone cu a tlau lai na phang tuk i, bek in na kal nak poh ah na ken, a tu le tu na hlam fawn, nain na fa le zaanriah ei lai hlam tu cu na philh sual tawn.Phone cu nazi 2 zong zoh na huam ko nain na fa le thisen dawptu hrik zoh ahcun caan na ngei lo.

Hawi dang cu an nu le nih Bible an rel piak hna nain kan nih cu Bible rel piak ding in caan kan ting lo.Hawi sin kal na timh tik ah na phone na hlam nain kan nih rat ding cu na duh lo.

Hraan cu na hmang ngai nain dawtnak thinlung tein fa le cawn piak cu kan rak tong lo.Hlan ah cun fa le caah Ni lin lak ah chosang an kai, thlaza an cam nain tuah cun nangmah ca lawng Thla na cam.

facebook ah a si sat lo mi pawl caah na biangki nem in na mitthli a lung nain na fa le kan caah Cung Pathian sin nawl nak mitthli cu a tla ruam lo.

TikTok zoh le phaisa hmuh ahcun na nuam nain na fa le he bia nuam chim cu na zuam ti lo.phone, vawkpi le phaisaย  ka nu sin in ka co hnga ding ro a ka co kanhtu nan si.Crd.Thawng sang

Be the first to comment

Leave a Reply

Your email address will not be published.


*