Paletwa Bank Hmai ah “Zinglei sml. 4:30 hrawng ah pehzul in an puak

Paletwa Bank Hmai le Uknak Zung Hmai ah Bomb a Puak.Nihin zinglei sml. 7:30 hrawng ah Paletwa khuachung Myanmar Economic Bank hmaika le uknak lei zung (GAD) hmaika ah pehzul in bomb an puak, tiah thawng kan theih.

Paletwa Bank Hmai ah “Zinglei sml. 4:30 hrawng ah pehzul in an puak. Uknak lei zung hmaika ah a voi khatnak a puak i minute 2 hrawng hnu ah Myanmar Economic Bank hmaika ah a voi 2nk a puak tthan. Minung aa hliammi an um le um lo kan thei ve lo,” taih Paletwa khuami pakhat nih a chim.

Bomb a puahnak hmun pawl ah SAC ralhrang pawl an phan i runvennak chah ngaiin an lak colh.

Paletwa ah hin SAC ralhrang an um bang in AA hriamtlai zong an cawlcang i, Chinland Defense Force (CDF-Paletwa) zong naite ah an dirh.

Nihin zinglei bomb puah kong ah ahote nih an tuahmi a si timi fiang in theih a si rih lo.The Chin Journal May 28, Yangon

Mindat ah CDF Mino 2 Bomb nih a Puah Hna, an Nunnak a Liam.Nihin zaanlei sml. 4:00 hrawng ah Mindat peng, Pukon khuate ah CDF-Mindat mino pahnih bomb nih a puah hna i an nunnak a liam, tiah thawng kan theih.

Pukon khua hrawnghrang ah SAC ralhrang nih ruah lo piin a kan doh lai timi an phan ruang ah pawngkam zohfelnak an tuah lio ah bomh nih a puah hnawh hna hi a si.

A nunnak a liammi hna hi Salai Tam Ling le Salai David an si i, an hawi pakhat Salai Tam Ghung zong hliamhma a pu ve.

Bomb hi SAC ralhrang nih an hmenh tami a si lai, tiah an zumh.The Chin Journal
May 26, Yangon

Be the first to comment

Leave a Reply

Your email address will not be published.


*