Paletwa Ah Covid Mizaw 7 An Hmuh

Nizan June 8 ah Paletwa ah Covid-19 mizaw 7 an hmuh caah sianginn, market le mipi um tamnak hmun le khual tlawnnak ni 3 chung khar a si.

Covid mizaw an hmuh mi hna hi Paletwa le India ramri Maikwa khua in Paletwa siizungah a rak i zoh ter mi hna an si.
Covid an hmuh ti theih le cangka in market hna cu khar a si i, hmaihuh a huh mi lawng thil cawk khawh a si tiah theih a si.

Paletwa khua mi pakhat nih nihin ah an zohfelmi hna a result a chuah ahcun covid positive zong an i chap kho men. Mizaw an tam ahcun siizung ah a herhbau mi Oxygen dur, PPE le mei zong a herh ngai te lai.

A tutiang ahcun zohfelnak dingah ni 3 chung cu khualtlawn zong kan khap lai tiah kan theih tiin Paletwa khuami nih a chim.KNG The Chin Post

News Dang relthan:Cikha ah Chinland FC nih a voi 2nak bawmhnak kuat than.Chinland FC nih Cikha ah COVID-19 zawtnak i thlopbulnak thilri a voi 2nak an kuat than.

“Tutan hi Oxygen Concentrator le a herh mi thilri dangdang kan kuat than hna. Cikhat ah kan unau minung 5 mual an liam cang i kan ngaihchia hringhran. Hi hnu zong ah bawmhnak pek/kuat khawh kan i zuam rih lai,” tiah Chinland FC President NC Thawng Tha Thang @ Saya TT nih a facebook cahmai ah a tial.

Chinland FC nih Cikha mizaw thlop nakding ah Meiseh siseh, Oxygen Concentrator siseh, a herh mi thilri dangdang siseh, bawmhnak an rak kuat cang i atu hi a voi hnihnak a si, tiah kan theih. The kha Times

Be the first to comment

Leave a Reply

Your email address will not be published.


*