Nurse ka tuan chung ah harnak tampi ka tong nain kai harh cemmi Pakhat cu fanu fapa nu pa a thaw a cat cang timi hi a si.

A luan cia mi kumkhat le cheu ahkhan zaan rian ka rak tuan bal. Zankhat cu ka zohkhenhmi ka mizaw pakhat cu zinglei nazi 1:30 hrawng ah zuun thawh ding ah a kan auh. Kei kha chikhat te inn leng ah ka thaw kai chuah lai ka ti bak a si. Minutes 5 hmanh a rauh hlan ah an ka auh i ka van luh cu a thaw a cat thluahmah. A mah cu a thaw a dih ahcun chanh lo ding in min a thu cia mi a si i zeihmanh kan tuah piak kho lo. A ihkhun ah kan ih ter i oxygen kan pek ko nain mah ti cun caan a thaw a cat.

A mah cu ka dam tuk cang hmaizarh cun na lawi cang lai an ka ti tiah a ka chimh i ai nuam tuk. A zuun thawh pah zong ahcun a mirh tuk ning a hmaipanh Ning le a thawn ning. Mah cu min 5 ah a thaw a cat ko. A fanu hi zeitin dah phone ka chawnh lai i zeitin dah ka hnemh lai ti khua bak khi ka ruat. Ka celh lo. Keimah tu sautuk khua ka ruah i Kai hnemh hnu ah. Zinglei suimilam 2 ah a fanu cu lau lengmang in ka rak chawnh. A hnemh zia zong ka thiam lo.

Nurse si hi a fawi lo awh. A caan ahcun Ngakchia nausem an chuah kan hmuh hna i an thih zong kan hmuh fawn hna. A kan theithiam lomi nih cun a caan i hnemh kan hauh i kan ngaihchiat caan ahkhin depressions ngei mi hna a kan ruah le nihsawhnak hna a kan hman tawn. Kan sining kan ngaihchiatnak kan in chimh hna ahcun kan khing a rit tuk ti kan theih piak ulaw. Credit-katie Van Zi

Be the first to comment

Leave a Reply

Your email address will not be published.


*