Nungak Hna:Nan nungak lio caan hi ṭha tein hman i zuam uh. Khual zong tlawng lengmang u law, hmanthlak zong tampi i thla uh, i post ko uh.

Nungak Hna:Nan nungak lio caan hi ṭha tein hman i zuam uh. Khual zong tlawng lengmang u law, hmanthlak zong tampi i thla uh, i post ko uh. Na tuahmi thil social media Facebook & Instagram te hna nan langhter ruangah hawi hlei in nan i dawh hawi hlei in nan cuang hlei tinak a si lo. Kum a liam tikah nan zoh ṭhan tikah nan thinlung an hliphlau tertu hmanthlak an si te lai i zeitlukin dah mi thluachuah nan sinak a langgtertu hmanthlak an si te lai.

Rian zong ṭuan ve u law, thil dawh dawh tete zong i cawk u law i hruk tawn. Panh lau tein um u law nih zong zuam ko u. Nungak thiam phun in maw nan nih chuak ko zongah i sum lai cih Cun Pathian nih an dawtnak ruangah midang zawn a ruat khomi le midang bomh a duhmi nu si u law cu nih cun nan hmai an panhter zungzal lai.

Zaan tlai zongah lawi pah tawn ko. Pa he duh paoh in vah le tlawnlen ka ti lo. Nan hawikom nu pawl he zong i riak ko uh. Khual tlawng ṭi uh. Thil dawh tete i hruk in khua veng cul tawn uh. Vawlei cungah a zalong bikmi nu si i zuam u law na zalonnak bel nih Pathian hmai chiatter hlah seh.

Nangmah tein nuamhnak le lawmhnak (happiness) nai ser lo ahcun a chuak men men mi minung na si ko lai. Na nungak lio caan ahhin ngaihchia le midang nih an ka uar sual lai lo an ka nek sual lai tiin na caan liamter hlah. Na nunnak kongah minung lakah nawl a ngei cemmi cu nangmah na si. Cucaah Bawipa ram na kauhter ri in nangmah le nangmah zong aa upat thiammi le midang a dawmi nu si zungzal ko. Fidi: Sui Hlawn Rem .Credit-Nusung Hrangtlung

Be the first to comment

Leave a Reply

Your email address will not be published.


*