NUG nih a Sermi PDF Ralkap Bu Training Limnak an Tuah

Caankarlak Myanmar cozah NUG nih a sermi People Defense Force (PDF) training limnak nihin (May 28) ah an tuahmi cu CRPH nih a langhter.

NUG nih Myanmar ramchung ah PDF Command Center 5 in a ser i, atutan training a limmi hna hi SAC ralhrang do ding in PDF Southern Command ah a pum aa pemi mino pawl an si hna.

Training limnak hmun ah NUG Home Minister U Lwin Ko Latt nih a telpi hna.The Chin Journal May 28, Yangon

Hakha ah SAC Ralhrang nih Minung 4 an Tlaih Hna.Nihin zinglei sml. 9:00 hrawng ah Hakha, Golf Club pawng ah SAC ralhrang nih minung 4 an tlaih hna, tiah thawng kan theih.

Golf Club sang um Pi Ngun Za Tling (kum 18) te inn cu SAC ralhrang nih an luh hnawh i Pi Ngun Za Tling telh in minung 4 an tlaih hna.

Ralhrang nih Pi Ngun Za Tling hi a phone an check hnu ah an tlaih, tiah minung pakhat nih The Chin Journal ah a chim.

A dang minung pathum hi an tlaih hnanak hmun le zei ruang ah an tlaih hna timi theih a si lo.

Minung 4 kan tlaih hna tiah Hakha palik nih pastorte thawng an thanh hna i, an luat tthan nakhnga pastorte nih palik pawl bia an ruah hna lio a si. The Chin Journal
May 28, Hakha Hmanthlak hi March thla lio Hakha khuachung a si.

Be the first to comment

Leave a Reply

Your email address will not be published.


*