NLD Sin Bialehnak:Section 261 hi kan remh ahcun ralkap nih CM a ṭuan lai caah remh kan duh lonak a si:

President nih Chief Minister cu ramkulh hluttaw kuzale chung in a thim lai, ti a si. Asinain Tlangcung ah Tlang Party nih teinak hmu usilaw, President nih ralkap 25% chung in CM cu a thim lai lo- Kawlrawn ahcun Democracy a ṭanhtu phu NLD, UBP, PP, PPP tbk party nih an tei ko lai caah.Cun, rawn party an lung a thian ko ahcun remh ruang ah ralkap nih CM ṭuan khawhnak lam a um lo.

Ralkap le USDP hmanh nih remh an duh mi, 25% nih CM a ṭuan lai phan ah kan remh lo, ti cu kan cohlang kho hrimhrim lo. NLD Phunghram remhnak Policy phen ah aa thup mi tlaihtleng Unwritten Policy, a fawinak in Tlang mi kut ah phakter an ṭihnak a ruang a um lai lo, ti khawh a si lo. A ruang cu ralkap an ti nain 261 aa remh lo caah Tlangcung Party le CNLD nih ramkulh cozah an ser kho lai lo, tiah kanmah tuknak hriamnam lila ah an hman ṭhan cang. Remh an duh tak tak lo, ti a fiang.

Mah le ramkulh cio nih duh mi CM chuaher an duh tak ahcun “Chief Minister cu Mizapi nih thim mi Ramkulh hluttaw kuzale chung in thim a si lai,” tiin remh khawh mi a si. Ralkap cu thim mi an si lo caah CM ṭuan khawhnak lam a um ti hnga lo.  Cucaah, Pu Tial Ling nih bialehnak a kan tuah mi ah“Federal lei panhpi loin hnukirnak a si kho,’ a ti mi hi “hnu ah a kan kirpi” tu a si deuh.Credit-Van Tin Lian

Be the first to comment

Leave a Reply

Your email address will not be published.


*