Nizaan Kanpetlet-Mindat kar Kahdohnak ah a Nunnak a Liammi Salai Ling Sui

May 30, Mindat le Kanpetlet karlak ah CDF le SAC ralhrang kahdohnak a chuak i CDF lei in Salai Ling Sui nih ram le miphun ca ah a nunnak a pek.

May 29-30, nihnih chung Kanpetlet-Mindat kar kahdohnak ah CDF lei in mino pathum nih an nunnak an pek.

SAC ralhrang 8 an thi i, hliamhma a pumi zong an tampi. CDF lei zong in hliamhma a pumi an um len hna, tiah CDF nih thawngpang a chuah. The Chin Journal
May 31, Yangon

I Nuamh Lo Caan Ngeih Hi A Poi Lo.Ka ṭhawng zungzal bal lo. Ṭhawn zungzal zong kaa tim bal lo. Thangchiatnak le dohnak te hna ka tei khawh lo caan a tam i kaa ṭahpi caan a tampi ko. Cun nih cun mi der a ka si ter fawn lo.

A caan caan i na ihkhun cungah nangmah pi lawng ik thluah mah in a ṭap balmi minung na si ruangah mi der thawm na si tinak a si lo.

Midang nih na mitthli an hmuh bal ruangah a lu dor tukmi na si tinak a si lo. Mitthli tlak hau riangmang in harnak a tong balmi nu na si ruang tu ahhin nangmah le nangmah naa uan awk tu a si.

Na herh a si ahcun na khan ah lut law nangmah te lawng zong ṭap ko. Na herh a si ahcun na hawikom sinah na lung ummi zong chim ko. Nangmah te lawng in ṭhawn naa cuh tuk ahcun na thilrit na phur dih kho sual lai lo.

Nutling/patling sinak dirhmun in kan nunnak lam thluan ah a caan caan ah mitthli i thlak riangmang in kan hawikom sinah kan der thawmnak langhter hi a poi lo. Zungzal in mi ṭhawng si i timh hi a donghnak ah lungdonghnak a chuahtertu a si tawn.

Hihi philh hlah. Bawipa nih hin a ralkap ṭhawngmi hna sin paoh ah ral tam deuh tei awk a pek tawn hna. Cu tikah teinak an co tikah laksawng sung khun he a don ve hna.

Na nunnak ah harnak le mitthli tlaknak tampi na tonmi hna hi mi vanchia bik ah i ruat hlah. Hi vialte a tei khomi nu na si ruang tu ah nangmah le nangmah i daw law i upat.

Nangmah palhnak a si lomi kong na mitthli hi a sawh sawh in a luang bal lo. A dor a reltu Pathian a um zungzal.

Remember this!!!U don’t have to be strong all the time. It’s absolutely okay not to be okay! Nunu-NS

Be the first to comment

Leave a Reply

Your email address will not be published.


*