Nizaan CDF-Hakha le SAC mithat (ralkap) kahdohnak ah minung pakhat nunnak liam

ဟားခါးတွင် CDF နှင့် စစ်ကောင်စီ တိုက်ပွဲ ဖြစ်ပွားခဲ့ပြီး CDF ဘက်မှ တစ်ဦးကျဆုံး Nizaan CDF-Hakha le SAC mithat (ralkap) kahdohnak ah minung pakhat nunnak liam.

2021 May 16 Hakha-Falam ramri ah aa kap mi CDF-Hakha le SAC mithat an i kahnak ah khuami Salai Van Biak Ling nunnak liam i pakhat hliam a tuar tiah theih a si.

Khuami pakhat nih, “Falam le Hakha ramri Dokthek le Chuncung kar ah a si. An i kah caan a sau ngai. Tutiang kan theih ning ahcun khuami pakhat nunnak a liam, pakhat fak ngai in hliam a tuar,” tiah a chim.

Hi kahdohnak ruang ah SAC mithat lei zong tampi an thi. A thimi minung zat bal fiangfai in theih a si rih lo tiah kan theih.The Hakha Post

THLACAM HMUAL KAN ZUMH ȚUNG LO AHCUN THLA CAM DUH HLAH USIH India ram khuate pakhat ah Hindu le Khrihfa pawl an um ți hna. Pawcawmnak caah lo an tuah hna i Hindu pawl nih Lapar an cin i Khrihfa pawl nih facang an cin ve. Țhal caan a hong phan i Hindu pawl nih van ruah a sur nak hnga lo an pathian sin ah thla an cam. Ruah asur sual ahcun an cin mi Lapar a rawk dih lai. Khrihfa pawl nih ruah a sur nak hnga Pathian sinah thla an cam ve. Ruh a sur lo ahcun an cin mi facang a caar dih lai. Zarhkhat chung thla an cam veve.  A donghnak ahcun van ruah cu ceilak te a sur. Khrihfa pawl cu an i nuam tuk nain Hindu pawl cu an thinhang tuk. An cinthlak mi lapar an rawk dih.

Hindu pawl cu Khrihfa cungah an i cenat lo i, Biaceih bawi sinah taza an cuai hna. Khrihfa mi nih ruah sur nak ding caah thla an cam ruang ah ruah a sur i kan cintlak mi Lapar an rawk dih. An thlacam ruangah asi tiin taza an cuai hna. 

Biaceih bawi nih bia a ceih hna. Khrihfa pawl cu an nih a chuak tuk. Taya an kan cuai mi hi sullam a ngei lo. Kan hei cam ve sawsawh le asi ko. Kan thlacam ruang ah ruah a sur naisai lai lo. A caan asi caah a sur ko tiah Baiceih bawi cu an chimh. Hindu pawl nih cun a caan ruang ah a sur lo, thla an cam ruang ah a sur ko an ti ve. Cutin cun bia ani el leng mang. (Khrihfa pawl nih an thlacamnak a tlingter tu Pathian sinah lawmhnak tu an chim awk khi asi)

A donghnak Biaceih bawi nih a ti mi cu
“Khrihfa mi nih thla nan cam ve ko nain nan thlacam nak hmual hi nan zum taktak lo. Khrihfa asilomi Hindu pawl tu nih nan thlacamnak hmual hi an rak zumh deuh. Cucaahcun thla a cam ko nain thlacam  hmual a zum lo mi Khrihfa pawl nih an Lapar man cu liam piak hna u. Tu hnu cu thlacam hmual nan zumh țung lo ahcun thla zong cam ti hlah u tiah bia a khiah piak hna. ..ti a si. ..

Khah!. .Thla cu kan cam lai i, a tling ahcun a tling tiah zumh ding. A tling lo zong ah kan thlacam a tling lo hi teh tiah a tlin lo nak kha zumh ve ding asi ko. Thlacam mi poh a tling lai tinak asi lo. A tlinnak zong zumh, a tling lo nak zong zumh ding kha asi. Zumh a biapi.

Unau hna nang le kei zong thlacam nak hmual kan zumh lo ahcun thlacam lo tein um hi a tha deuh ko hih. …i ti ter (ဟန်ဆောင်) a herh lo.Credit-Isael.R.Thang

Be the first to comment

Leave a Reply

Your email address will not be published.


*