Nihin Zaanlei ah Nawi ah Minung 5 an Tlaih Hna

Nihin zaanlei sml. 4:00 in 6:00 karlak hrawng ah Hakha, Nawi ah SAC palik nih minung 5 an tlaih chap hna, tiah thawng kan theih.

Tlaih a tongmi hna cu: Pu Ro Cung, Pa Tial Thawng Ling, Pu Tler Ling le a hawile pahnih an si.

Pa Tial Thawng Ling hi Timit ah Lo a riak i, zaan le a tlunnak lampi Nawi ah an tlaih.Pu Ro Cung hi Nawi ah a riakmi a si i, a Lo ah an tlaih ve.

Pu Thler Ling le a hawile pahnih zong hi Ngauthutlang (Nawi) ah an tlaih ve hna.

An zapi in palik motor chung ah an khumh hna i sakhaan lei ah an kalpi hna, tiah naihniam pakhat nih The Chin Journal ah a chim.

Nihin zaanlei sml. 4:00 hrawng zong ah Khuathar CB Bank kiangkap ah a ummi Paletwa lei minung 2 tlaih an tong ve, tiah kan theih.

The Chin Journal May 9, Hakha Hmanthlak: March thla Hakha khuachung SAC palik le ralkap pawl.

Be the first to comment

Leave a Reply

Your email address will not be published.


*