Nihin June 22 Mandalay kahnak

Kawlram khua ngan bik 2 nak simi Mandalay ah hriamtlai phu le ralhrang kahnak a um.

Cheukhat nih mi zei si theih lomi hriamtlai phu le SAC an i kaap an ti. Nain Khuami nih cun GZ le ralhrang an i kaap Dalan ruang ah a si an ti.

Hi kongah Mandalay PDF nih cun social media cung bak ah ” kan hngah pengmi ni le caan kan phan cang. Nihin thawk in Mandalay PDF kan tho cang ” an ti ve. A fiangmi cu PDF le SAC an si ko.

Mah belte hi kah dohnak kongah thil sining a fiang rih lo. PDF an sakhan ah SAC nih luh hnawh dawh a si caah a hnu ah thawng update khawh kan i zuam than te lai.

Kan lungdong hin cio hlah seh. Kawl pawl zong an tho thluahmah cang. A dongh tiang zumhtlak si i zuam cio u sih.

Note. Hmanthlak taar an duh lo. News a tialmi poh nih PDF himnak caah a si khawh cun hmanthlak tar hi hrial ding si. Credit- Tluang Ceu Thang

China Mirum Jack Ma Biaroling:Sifak chungkhar in a thangmi le ca a thiam lo ruangah college le university nih voi tampi luhnak a halmi an cohlan lomi Jack Ma (A min taktak- Ma Yun) cu aa zuamnak le lungsaunak thawngin atu ah cun online shoping company nganpi Alibaba ngeitu, China ram mirum bik a si cang. A tanglei bantukin mino hna sinah ruahnak cheuhnak biaroling a chimmi kan vun hrawmh ve hna.

  1. Chankhat chuah ah tuah na duhmi kha tuah chun ve ko. Na tuah tik bel ah a tha bik si dingin i zuam. I zuam ruangah chiatnak ton ti a um bal lo.
  2. Nihin a mui, thaizing a mui chin rih lai. Asinain kiptuh ah cun niceu a lang ko lai. Nihin le thaizing ah na lungdongh ahcun zeitik hmanh ah niceu na hmu kho lai lo.
  3. Buainak na ton tikah phunzai len hlah, i lawm deuh. A ruang cu buainak chungah caantha (apportunity) a um tawn.
  4. Na ngol rih lo ahcun na caah ruahchannak a um rih. Na ngol cang a si ahcun ruahchannak a um ti lo caah a ngan bikmi palhnak na tuah a si.
  5. Zabu 21 ah cun hlawhtlinnak hmuh dingah na riantuantu hna kha nangmah nakin a thiam deuhmi an si a hau.
  6. Zeibantuk dirhmun zongah khin um ko, zeibantuk kiangkap zongah khin a thanglianmi si ko, na fimthiamnak zong zeibantuk poah va si ko seh, a thangchomi na si kho. Thanchonak cu vanthatnak in a si lo, naa zuamnak, teirialnak le lungsaunak in a si deuh.
  7. Midang nih an tuah huam lo bikmi rian chungah caantha (apportunity) timi cu a um.
  8. Zeihmanh na tuah lo ahcun a fiangmi cu zeihmanh a chuak lai lo ti hi a si.
  9. Nangmah ca i rian na tuan tikah midang ca zong ruat chih peng. Midang an hlawhtlin i an i lawmh lawngah nangmah zong na hlawhtling lai i naa lawm ve lai.TCP

Be the first to comment

Leave a Reply

Your email address will not be published.


*