Nihin Hakha ah tlaih mi 7 an si: Kum tlinglo 2 an i tel .

Nihin Hakha ah tlaih mi 7 an si: Kum tlinglo 2 an i tel .TCP Hakha| 2021 May 28 —
Nihin chun lailing niceu tang ah SAC Ralkap nih Hakha khuachung hmun cheukhat an i chawhlehnak in minung 7 an tlaih hna tiah theih a si.

Hakha i Auto Exchange zung, atu No. 4 High School Sianginn umnak Dawrthar sang ah Ralkap pawl cu an i chawk. Cu an i chawhlehnak ah an hmuh an tlaih mi hna 7 chung in kum tling lo 2 an i tel tiah kan theih.

An tlaih mi pakhat hi pa kum 15 a si. A dang pakhat hi, nu 17 a si. Cun, a dang an tlaih mi hna hi, minung 5 an si i, an zapi ah 7 an si. Hakha palek sakhan ah an kalpi hna i, an thawngpang fiang in theih a si rih lo.

Atu tiang an chuah rihlo caah, The Chinland Post nih upa pehtlaih nak kan tuah tik hna ah, “Atuhi ahohmanh nih kal hnawh dawh an si rih lo. An tlaih hna zaan bak ahhin cun, a har ngai tawn. An zapi tlaih mi cu kan theih ning ah 5 an si” tiah minlanghter awk tha lo mi nih a chim.

Nain, Pelek zung lei in theih nak ah, minung 7 an si cu fehter a si.

Nihin tiang ah, Hakha lawng ah Feb. 1 hnu in tlaih khih mi chung in biacaih cuahmah mi le thongthlak lio mi hi minung 70 an si cang.

Photo: March 1 Ralkap nih mawtaw cycle an lak lio (CG) le nihin Agape Sang (auto chak) hmanthlak Hakha Times The Chinland Post

Be the first to comment

Leave a Reply

Your email address will not be published.


*