Nihin chun ah ka Facebook ka kau.

I DAN PHUNG A SI KO.Ruahnak le hmuh ning i dan hi a phung bak a si ko (rua). Atu lio kan thilhran kongkau zong ah hmuh ning le pom ning hi aa dang lengluang. Amah belte cu aa dang mi ruahnak le duhnak kha i huatnak le hnu i chitnak ah kan hman lo ding a herh.

COVID kong kan tawlrel ning ding ah kan i dang kho. Cun, ram buaibainak le thil kan duh mi kan tawlrel ning zong ah kan i dang kho. Nain cu i khah lo bu in ṭanṭi thiam le rianṭuanṭi thiam kha a biapi bik a si.

Nihin chun ah ka Facebook ka kau. American President Joe Biden nih a uico a fim ngaingai mi Champ a thihnak a Facebook page ah a taar. Suimilam 14/15 chungah minung thong sawm riat le thong nga le za ruk (85600) nih an duhnak, duhlonak (reaction) an tuah i minung thong sawm le thong kua le za thum le hlei li (49314) nih an taarpiak chin (share) i minung thong hlei ruk le za li (16400 nih an thinlung ah an um mi ngaihchiahnak, thinhunnak le aipuannak (comment) an tuah.

Comment cakuang chungah mi cheu nih an ngaihchiatpi i hnemhnak bia phunphun an chim. A cheu nih an soisel. A cheu nih capo phun in an chim. Pakhat pa nih faak ngai in a comment mi cu uico nakin minung an thihnak kong taar deuh ko. Nang cu a lianngan mi ram hruaitu na si. Vawlei pi hruaitu na si. Atu ah na uico a thih ruangah na Facebook ah heh tiah na ngaihchiatnak le na sianlonak na langhter. A dik ko, na ca ah san a tlai tuk mi ui a si. Nain, Nihin ah Middle East ah minung tampi an thi. Inn le lo a rawk. Cu pawl tu cu taar deuh law na uico nakin na siaherh deuh ko tiah a ti.

Kan sia a herh mi kan chim kan langhter lio ah midang nih zei tin an kan hmuh ti hngalh dih cu a si lo nain dirkamhtu zazat, soiseltu zazat an si ve ko lai ti kha kaa fiang chinchin. Na dirhmun le na ruahnak na langhter tik ah, midang nih an cohlang kho dih bal lai lo nain “i dan phung” a si ko ti thei peng.Credit-Holly Ram

Be the first to comment

Leave a Reply

Your email address will not be published.


*