Nihin America Politic le Chinmi dirhmun

Kan caah politician tha bik cu, kan caah thathnemnak direct si lo ah indirectly in a chuahpi khotu kha an si. Tu tan ah hin President ai cuhmi Donald Trump le Joe Biden an si. Ngaite tiah cun Party (2) thazaang an i cuhnak zong asi. Vote thlak a biapi tuk. Citizen asimi Chin mi hna dihlak nih Vote kan thlak cio a herh hringhran. Vote thlaknak ah suimilam 2-3 bak i tlar in thlak asi. Cabawm zong in thlak khawh thiam asi ve.

Ahodah kan vote lai? Zei party dah kan vote lai? Vote thlaknak ah a tlangpi in a hmasa bik na thim dingmi cu Democratic maw na vote li Republican maw? ti kha asi hmasa bik. US i mah hi Party 2 hna cu an tha tuk veve. An mah zawn cio in rian an tuan khawhnak thazaang a um veve.

Democratic Party Mah hi party i a rong color cu Blue (a dum)mi asi. Democratic hi zalennak tha a pe deuhmi an si caah Liberal ti zong in theih asi. An nih nih an i hmaithlakmi cu US cozah nih mirum hna ca rumro ah khaua tuak lo in sifak santlai lo hna le mipem sathlai hna caah khua an ruah deuh lengmang. Cun, mi dam lo, pum tlamtling lo, tar le hngakchia kong ah siseh, si le ai kong, sifak bawmhnak tbtk kong ah tha a pek zungzal.

Rian a tuan deuh zungzal ko. Raltuk an huat i vulei pi he rualrem ding kha an i hmai thlak. Ralzam laknak le zohkhenhnak tha an pek. Biaknak zalennak le mi pumpak i duh thimnak kha an upat. Nu covo, mipem (kosong) hna tiang covo le dawtnak kha langhter a herh. Cozah nih thazaang tam deuh a ngeih a herh tbtk kha an kal pi. Biaknak zalennak timi cu US ah umminzei biaknak poh nih zalen tein an Biaknak an hman khawh ding kha asi.

Republican party ~ a rong cu a sen asi. Conservative ti zong in auh an si. US cu Capitalism timi phaisa rumnak thazang hmangin riantuannak kha a pommi ram asi tiah an pom. Mirum hna caah zalong tein riantuan khawhnak an ruah. Mirum taktak Billionaires hna kha ngunkhawi an la tuk hna lo.

Mirum an rum lawng ah sifak kha an bawmh khawh – hlawh an pek khawh hna lai timi kha an pom. Cozah thazaang a cak tukmi an duh lo. Sifak bawmhnak le cozah lei in a lak in pek mi poh poh hi tha an pe lo.US rampi huap in sipuazi an i hmai thlak. Raltuk ding ah an kut a fum lo. Ralzam laknak tha an pe lo. Obama chan lio ah ralzam kumkhat ah a tingin an lak i Trump chan ah thong 20 hmanh a la ti hna lo.

US ram humhimnak caah asi tiah an ruah. Ralhrang ramchung luhter lo ding caah ti kha an i tlaih ve. Small Businesses timi dawr le sipuazi a hmemi a tuahmi hna caah phaisa cawi khawhnak, tax ngaih thiamnak tbtk kha lam an awnh deuh lengmang. US ralkap riantuannak caah tbtk ah phaisa tampi an hman lengmang.An pahnih ningtein an tha veve. Nangmah na duh deuhmi kha thazang pek in vote ding asi.

President cu ho nih dah a thim?Minung 538 hi President thimtu ding caah Electoral College tiah ser an si. Indiana in minung (11) an i tel ve lai. An mah 538 hna thimnak ningcang cu US ram constitution Article II, Section 1, Clause 2 ah tling tein a um. An mah 538 nih vote an pek i 270 nak tam a cotu kha President ah thim asi.Vote thla cio u sih.Credit-Salai Biak

Be the first to comment

Leave a Reply

Your email address will not be published.


*