Nibang kan chunhnut ii kan tlai sual cun poi tuk te ko lai hi ta..

Nibang kan chunhnut ii kan tlai sual cun poi tuk te ko lai hi ta..

Kan Nu Chinram khualipi zong ah DALAAN nih an Tthawngchin leng mang.Kan fanau le umnak inn le lo ,an thutdir ning konglam tling khitkhat in Ralhrang nih an hun kan hngalh khawh colh lengmang pin ah kan inn kan lo cia ah thah le nawn Hnawngtan colh kan si..

Kan ruak zong lak le humh khawh lo tiang kan hung si cang..Mah dir hmun ah miohun hawi lak ah mahzawn long ruat le Kawl le Ralhrang lei Ttanh in cawlcang mi kan um peng rih ..

Kan hriam tlai hna nih kan hngak deuh ko rih uh ti kan ni manh deuh rih lo ti a vun si rih hoi hin cun lung a caw mit a vai ko cang ee..Kan fanau le Upat nak kan in pek hna.Rest in Power.AZIDAW PUNG AWNGZAH MEE..Credit-JohnF Thanwg

June 5: TCP Thawngpang Neknawi (News in brief)June 5, Tuzing Demoso Kahdohnak Ah Ralhrang Hnu An Tolh.Karenni (Kaya) ramkulh Demoso myone ah June 5, tuzing ah kahdohnak a chuak than i ralhrang cu hnu an tolh tiah theih a si. Demoso PDF nih ralhrang hna umnak hmun ah an va kahmi hna a si.An i kah caan hi suimilam pahnih chung hrawng a rau, zinglei 7 lonh hrawngah ralhrang cu hnu an tolh hi a si (Than Lwin Khet).

Irrawaddy Remthen Kahdohnak Ah PDF Lei Pathum An Thi, Hliamtuar An Tam. Irrawaddy remthen Hle Suai khua ah June 5, tuni zinglei 8 ah ralhrang le PDF kahdohnak a um i PDF lei pathum an thi, hliamtuar an tam tiah theih a si. Hi nakin a thimi an tam deuh zong a si kho tiah khuami nih an chim.“An i kah thawng cu a thang taktak. Kiangkap khuami hna cu an tlizam dih cang. PDF lei an dirhmun a chia deuh rua” tiah khuami pakhat nih a chim.Atu cu kahdoh thawng a dai rih. Pathein lei in ralhrang zeimawzat an ra lio tiah Generation Z nih an thanh (Khit Thit Media).

Kanpetlet Ah Kahdohnak A Fak.June 5, tuzing 8 hrawngin ralhrang le CDF-Kanpetlet kahdohnak a um i a fak ngai tiah theih a si. Kanpetlet khuapi chungah a ummi hna cu ralring tein um dingah le a si khawh ahcun a himnak hmun ah tlikzam dingin Kanpetlet mipu uknak bu nih an facebook page ah an thanh (Chin World).

Mobye Ah Biakinn A Hngakmi Hna Cu Ralhrang Nih An Tlaih Hna.Shan ramkulh chaklei Mobye myo ah nizan, June 4 zanlei 4 ah ralhrang nih biakinn ah hmunhma an khuar sual lai ti phan ah biakinn a hngaktu hna cu ralhrang nih an tlaih i an kalpi hna tiah theih a si. Hi biakinn hi RC biakinn a si.“An tlaihmi hna an tam ngai. Biakinn a hngakmi an si, biakinn chung bak ah an va dawh hna. Atu tiang an thlah rih hna lo” an tlaih lakah aa telmi chungkhat nih an chim. Pehtlaih khawh zong an si lo tiah theih a si (The 74 Media). The Chin Post

Be the first to comment

Leave a Reply

Your email address will not be published.


*