Ni 23 te lawng US President a ttuan ding a si cangmi, President Trump nih “$740.5 billion defense policy bill” ah veto power a hmanmi cu, Republican lila nih nihin ah an thah piak.

Ni 23 te lawng US President a ttuan ding a si cangmi, President Trump nih “$740.5 billion defense policy bill” ah veto power a hmanmi cu, Republican lila nih nihin ah an thah piak. 

TRUMP nih defense policy bill  a cohlang lonak a ruangbik a langhtermi cu, “section 230 appeal” an telh lo caah a si. Section 230 cu, Facebook, Google and Twitter pawl rengh /reh khawh ding in section 230 phung Acts zoh tthan hi a si.

Asinain Trump nih veto power hmang in a thahmi “ $740.5 billion defense policy bill”  cu nihin ah House ah cheu 3 cheu 2  322-87 in override an tuah. President veto thah khawh ding ahcun two-third, cheu 3, cheu hnih, vote a hau i, Democratic lawng cun, thah khawh ding a si lo. Asinain Republican lei 109 nih Trump ralchanh in an vote caah, fawite in an thah khawh. Defense Bill hi kum 59 chung tluangte in party 2 lungtling zungzalmi a si tiah The Hill nih a ttial.

House nih an passed mi cu, Republican nih control mi Senate nih Override an tuah chap rih ahcun, Trump caah a zoh a chia ngaimi tuanbia in a term a dih lai tinak a si.

Covid bawmhnak $ 600 hmuh dingin Trump nih Sunday ah min a tthut cangmi cu, $ 2000 cio hmuh dingin House nih an chuahpi tthan i, an passed tthan. Senate nih bia a khiah tthan lai i, House nih an chuahpi ning tein an pass khawh ahcun 600 siloin, 2000 cio ngah a si te lai tinak a si hnga . Credit-Zasang Cinzah

Be the first to comment

Leave a Reply

Your email address will not be published.


*