Ngaihthiamnak timi cu pumpaak ca a si caah ngai thiam lengmang ko hna.

Forgiveness and Reconciliation Ngaihthiamnak timi cu pumpaak ca a si caah ngai thiam lengmang ko hna. Mi na ngaihthiam lo ahcun Pathian ngaihthiamnak laak kanh na si ve lai pin ah na nun ah kha ngaihthiam khawhlonak kha Sehtan caah hmunhma na pek a si i cu ngaihthiam khawh lo nak nun nih cun sualnak dang tampi a hrin chih lai.

Na sin ah sualchirnak he na hmai a kawlmi kha ngaithiam lo in um hrimhrim hlah. Ngaihthiamnak cu Pathian he kan irem khawhnak caah Fapa Jesuh Khrih nih a kan tuahpiakmi a si i cu ngaihtiam a simi pa nih cun a minung hawi, a sual ai ngaichih i na hmai a kawlmi cu na ngaihthiam hrimhrim ding a si. Cu ngaihthiamnak nih a kalpi ding le a theipar a chuahpi dingmi cu remnak a si.

Sihmanhsehlaw, na ngaihthiammi nu/pa he paoh nan irem lai tinak a si lo. A sualnak ai ngaichih lo i na cung i sualnak a tuah peng áš­hantu ding a si ahcun remnak na ser lo zong ah sual a si lo i Pathian nih mawh an phurh lai lo. Remnak timi cu sual ingaichihnak lawng nih a chuahpimi a si.

Sual ingaihchihnak a um lo ahcun remnak a um kho lo. Na nupi/pasal, hawikom, rianáš­uan hawi nih na cung i sualnak a tuah lengmang tikah le sual ingaichih ding in na nawl lengmang bu i ai ngaichih lo ahcun remnak va ser hlah. Kha nu/pa kha va hrial ko. A herh le nawlngeitu kut zong ah va chan ko.

Ngaihthiamnak cu pakhat lawng nih a tuah khawh nain remnak cu pahnih in tuah a haumi a si.Credit-Van Thakam Thang

Breaking Ralkap nih Vanzang Tlang ni 5 chung an curfew.Thantlang Peng Vanzang Tlang cu April 21 in April 25 tiang (ni 5 chung) Kawl Ralkap nih khualeng chuah an phih (curfew) tiah kan theih.

Hi kong ah khua pakhat in khuami pakhat nih, “Ni 5 chung leng chuak hlah u, ti a si i a nicaan an chap te hnga dek maw.  Thantlang lei kal aa thawh mi zong Sopum khua in an kirter hna. Thantlang lei zong in rak luh khawh a si rua lo. Zeiruang bik ah dah curfew a si tu cu kan hngal kho ve lo. Zahnak Tlang le Khualhring Tlang lei tu cu an kham rua lo,” tiah The Hakha Times ah a chim.

Vanzang Tlang ah khua 6 an um: Sopum, Vanzang, Farrawn, Lungding, Tlangpi le Tlanglo khua hna an si. Atu hi  Sopum khua, Zahnak Tlang le Vanzang lei lampial ah Ralkap nih hmunhma an khuar i an um, tiah kan theih. Photofacebook The Hakha Times

Be the first to comment

Leave a Reply

Your email address will not be published.


*