Ngaihchiatnak(RIP)

Sayakyi Lian Ṭial(pension) cu motor cycle nih a pah i, Mandalay siizung ah an kalpi zokzok nain “Kyaw” khuaah a thi tiin kan theih. A chungkhar Bawipa nih hnem ko hna seh.

1966 ah Hakha dawda ah kan rak um ṭi. A mah tanghra, kei tangruk. Kei hi tuanpi in camipuai ka dih cang nain, rawl na kan chuanpiak lai a ka ti i a rak ka thlauh caah khua tlun loin tanghra camipuai a phimi ka ule rawl ka rak chuanpiak hna. Atu a thimi Sayakyi H. Lian Ṭial, Dr. Hmuh Thang, Pu Lian Cin(US), Pu Khung Kheng, Pu Lam Bu(tleicia) an si. An zapi camipuai an rak awng dih i, an zapi “bawi” an si dih. Kei bel rawl chuangtu ka rak si caah si rua, mah hihi ka si ko. Tanghra a awn lioah a nu le a pa nih caw an thahpiak i, Sentung khua in Hnaring ah cawsa a rak ka hleh.

A nih hi caṭial a huam ngaimi a si. Cauk zong uk tawn nawn a chuah cang. A hnu bik a ṭialmi “Lautu Tuanbia” timi ah lunglawmh bia na ka ṭialpiak lai a rak ka ti i, keimah nih lunglawmh bia ka ṭialpiak. A cauk a chuah kaa hrawng a si lai dah. Norway lei a phan rih lo.

Sayakyi Lian Ṭial hi fimthiamnak lei ah reng sangpi “Pyine Pingiazihmu” tiang a phan nain, a mah a minung taktak cu “anuh pinngia tamaa”(arts) a si. Thih ciocio ah rai chia a tlun lio le ral thawh lio ngelcel thih cu a poi ko.

Na liam siaherh hlah ka upa. Pasal pakhat rian na lim ta dih cikcek ko. Mangṭha!Credit-
Perhkalh Thawng

Be the first to comment

Leave a Reply

Your email address will not be published.


*