Tangka thawh le lawmh biachim

Kan hnu cawn nithum zan kha CNF kan pa Pu Thla Hei kan khua a phan i, ton biaruahnak kan ngei. Kan khua hi Khrihfabu buu (2) in kan um i, kan buu (2) in tonnak kan ngeih hi a si. Norway cozah sawmnak in ka ra ta i, nannih khua hi Norway in CNF caah tangka thawh a ṭang bikmi nan si caah nan sinah

lunglawmh bia chim tading hrimhrim in caan karlak ah caan kan rak tenh ta bia a si tiah, Pu Tluang Peng he an chim veve. Midang nih zeitin an ruah ka hngal lo nain, kei cu an bia kaa lunghmuih dom. Cucaah biahal pah in keimah zong nih, “cu hmanh cu kan i lawm ngaite, tangka vial thawhter lengmang i lawmh bia chim bal ve lo cu tangka a thotu pawl caah tha a chia kho ngaimi a si“ ka ti ve.

Ka chimmi hi ka palh rua lo dah ka ti ko. Tangka hi a kholh lawng kholh lengmang i, tangka cazin chek le a luh a chuahnak fianter cu chim lo, nan tangka kan hmuh e ti zong um bal lo, cucu kan cawknak e ti zong um bal lo, mah cukaa ah kan hman e ti zong um bal lo pinah nan cungah kan i lawm e ti zong um bal lo,

cu i tangka thawhter lengmang rih cu tangka a kan kholhtu hna maw an sual deuh maw, tangka a thawhtu hna dah kan sual deuh ti awkin a um hnga. Ahodah a sual deuh ti i sual phawt khi siseh law, mi thawhmi tangka in “tourist“ bang nichuah nitlak in a tlungkalmi pawl zong hi an luat hlei ve lai lo dah.Crd.Perhkalh Thawng