Rel nuam.Trump kong a linhsat tuk lio pi a si caah theih nuam ah a tawinak in ka tial lai. 2006 hrawngah president Trump nih hlawhhlang nu Stormy Daniels cu caan a rak hman pi.
Caan cu a kal i 2016 ah President cuh ding in aa tim. Campaign an tuah cuahmah lioah Stormy nih Trump he an caan hmannak cu media sinah zuar a timh.
Cu tikah a rannak in Trump sihni a rak simi Michael Cohen nih Stormy cu na kaa kan cip piak ko sawh tiah $130,000 a rak pek. A hnuah Trump nih $130,000 cu a pek than. Asinain a rak pekmi kha minu kaa phihnak caah ka chammi a si ti loin ka sihni hlan man a si a rak ti.
Kan theih cio bantukin Trump cu an huat tuk kaw, kum sarih leng a luan cangmi cu an hlat peng rih. A hnu ah an theihmi cu a sihni hlan man pekmi si loin Cohen nih a ka phihnak caah a pekmi a chammi tu kha a rak si ti an theih.
New York state upadi ah an tangka pekning kha upadi buar pakhat a si. A hmanning tein Stormy a ka pekpiakmi ka cham thanmi a si ti khan rak ti seh law a poinak a um lai lo. Asinsin 2016 i president a rak cuhnak kha fak piin a rak donhkhanh ve hnga. Asinain atu cu tazacuai ding dirhmun a phan.
New York i district pakhat Mahhattan i an Attorney Alvin Bragg nih Trump sualnak palhnak kawltu ding Grand Jury a dirh. Minung 23 hrawng an si lai tiah zumh a si. Trump tangka pekmi kong a theitu minung pahnih hrawng bia an hal cang. Minung pakhat hal than ding a um ti a si. Tu chun Nilini ah vote an thlak lai i sual ko timi nih a tei ahcun tazacuai ding a si.
Trump nih a Truth Social Media ah ” Nihnihni ah an ka tlaih lai. Doh hna u” tiah a dirkamhtu a forh hna. Asinain an tlai lo. A sualpalh le palh lo kongah Grand Jury vote thlak zong an thawn than. Hmai zarh leiah a si men te lai ti a si.
A sual ko ti a si ahcun nawlngeitu sinah amah tein maw aa ap te lai, an va tlaih te lai dek. Cun biaceih zung ah chuah le thlongthlak ding dirhmun ahcun a um. Asinain ruahnak dangdang a um len rih. A cheu nih cun vote thlak tikah a sual lo vote nih a tei ko lai an ti, a sual ko timi vote nih a tei lai ti a si ve.American mipi cu awlokchong in an um ko.
A fiangmi cu Trump huatnak le hrawh duh ah an tuahmi a si. A hram thok in an phomh lengmang i a dih cang ti ruahmi an thar chush thanmi a si ko. Republican upa zong a thinhung ngai. Trump sual an kawlnak tangka hi Federal tangka maw si zei bantuk tangka dah si kan hlat lai an ti ve.
Rianrang i chinchap phone chinchap cu aa pehtonh tuk lem lai lo. A linsat tuk lio a si i facebook friend hna caah ka vun thai ta.Crd.luther Tin Hre
Leave a Reply